FIFA klublararasy dünýä çempionaty - 2011

Eýýäm her ýyl geçirilmesi däp bolan futbol ýaryşy, ýagny, "FIFA klublararasy dünýä çempionaty" bu ýyl 8-nji dekabrda Ýaponiýada başlanar. Ýaryşa ýer togalagynyň 6 kontinentinden 7 klub gatnaşar.

1. FC Barcelona (Spain) - UEFA Champions League (UEFA).

2. Santos FC (Brasil) - Copa Libertadores (CONMEBOL).

3. C.F. Monterrey (Mexico) - CONCACAF Champions League (CONCACAF).

4. Espérance (Tunis) - CAF Champions League (CAF).

5. Al-Sadd SC (Qatar) - AFC Champions League (AFC).

6. Auckland City FC (New Zealand) - OFC Champions League (OFC).

7. Kashiwa Reysol (Japan) - Ýaponiýanyň soňky çempiony (Ýaryşyň ýer eýesi).

18-nji dekabrda tamamlanjak ýaryşda ýeňiş gazanan kluba 5 million dollar pul berler. Duşuşyklar Ýaponiýanyň 2 şäherinde 2 stadionda geçiriler:
1. Iokogamanyň Halkara stadiony (Iokogama şäheri) - 72 300 adamlyk.
2. "Toyota" stadiony (Toýota şäheri) - 45 000 adamlyk.

Bäsleşigiň geçiş tertibi barada aýtsam, pleý-off tapgyrynda ýer eýesi "Kashiwa Reysol" bilen Okeaniýanyň wekili "Aucland City FC" duşuşar. Bu duşuşygyň ýeňijisi çärýek finalda CONCACAF-nyň adyndan wekilçilik edýän "C.F. Monterrey" bilen güýç synanyşar. Çärýek finalyň beýleki oýny bolsa "Espérance" bilen "Al-Sadd SC-niň" arasynda bolup, ýeňiji ýarym finalda ýaryşyň esasy faworiti "FC Barcelona" bilen duşuşar. Braziliýanyň "Santos CF-sy" bolsa ýarym finalda "C.F. Monterrey" ýa-da pleý-offuň ýeňijisi bilen bäsleşer. Final oýny 18-nji dekabrda Iokagamanyň 72300 adamlyk Halkara stadionynda bolar.

Häzirki ady bilen 8-nji gezek geçiriljek FIFA klublararasy dünýä çempionatynyň ýeňijileri:

2000 - Korintians (Brasil)
2005 - Sao Paolo (Brasil)
2006 - Internasional (Brazil)
2007 - Milan (Italy)
2008 - Manchester United (England)
2009 - Barcelona (Spain)
2010 - Inter (Italy)