Daglar

Dünýämiziň
erki, gögüň diregi,
Bardyr tomaşaly saparyň,
daglar
Bu gün saňa örkläp däli Ýüregi,
Senden uly kuwwat taparyn,
daglar.
Etegiňde iller mekan tutdular,
At çapyp, ýaý çekip, peýkam
atdylar,
Söýüşdiler, uruşdylar — ötdüler,
Menem seni söýüp öterin,
daglar.
Men-men diýip daga köňül
bagladym,
Seni görüp, kiçiligme agladym,
Boýumy boýuna deňän
halatym,
Toba edip öňünde çökerin,
daglar.
Niçe danalaryň sözün eşatdiň,
Betpälleri öz päline duş etdiň,
Bu gün gelip meniň ýakamdan
tutduň,
Saňa näme diýip öterin, daglar?
Syn et ummanlaryn gözel
görküne,
Beýik binalaryn synmaz örküne.
Ýamanlygmy goý özümiň
erkine,
Ýagşylygmy welin, aparyň.,
daglar.

Gurbannazar Ezizow