Mukaddes yashayysh

Mukaddes ýaşaýyş

1 Şeýlelikde,

Mesih bilen direlendigiňize görä, göklerdäki zatlary agtaryň. Ol ýerde Mesih

Hudaýyň sagynda oturandyr. 2 Pikiriňizi

dünýewi zatlara däl-de, gökdäki zatlara gönükdiriň. 3 Çünki

siz ölensiňiz, durmuşyňyz bolsa Mesih bilen bile Hudaýda gizlenendir. 4 Mesih siziň durmuşyňyzdyr. Ol aýan bolanda,

siz hem Onuň bilen şöhratda aýan bolarsyňyz.

5 Şonuň üçin dünýewi

tebigatyňyza mahsus bolan zynahorlugy, ahlaksyzlygy, haram keýpi, pis höwesleri

we butparazlyga deň bolan açgözlügi öldüriň. 6 Ine,

hut şu zatlar üçin Hudaýyň gahar-gazaby Onuň sözüne gulak asmaýanlaryň üstüne

inýändir. 7 Siz hem birwagtlar bularyň

arasynda ýaşanyňyzda şeýle edipdiňiz. 8 Indi

bolsa gahary, gazaby, ýamanlygy — hemmesini özüňizden aýryp taşlaň. Agzyňyzdan

hiç bir töhmet we paýyş sözler çykmasyn. 9 Biri-biriňize

ýalan sözlemäň, çünki siz öňki köne ýaradylyşyňyzy köneçil urp-adatlary bilen

birlikde özüňizden aýryp zyňdyňyz. 10 Indi

täze ýaradylyşa beslenip, Ýaradanyň keşbine meňzemekde we Ony tanamakda

täzeleniň. 11 Bu täzelenmede grek bilen

ýehudynyň, sünnetli bilen sünnetsiziň, nadan bilen zalymyň, gul bilen azadyň

arasynda hiç bir parh ýokdur, ýöne Mesih — hemme zatdyr, hemme zatdadyr. 12 Şonuň üçin hem, eý, Hudaýyň saýlanan,

mukaddes hem eziz halky! Rehim-şepagaty, mähribanlygy, pespälligi, ýumşaklygy

we sabyr-takatlylygy geýniň. 13 Biri-biriňize

sabyrlylyk bilen çydaň. Araňyzda öýke-kine bar bolsa, biri-biriňizi bagyşlaň.

Rebbiň sizi bagyşlaýşy ýaly, siz hem bagyşlaň. 14 Bularyň

hemmesinden ilki bilen kämil birligi baglanyşdyrýan söýgini geýniň. 15 Kalbyňyzda Mesihiň parahatçylygy höküm

sürsün." Injil