Guus Hiddink wezipesini taşlady

Düýn EURO 2012-ä gitmek üçin Horwatiýa bilen plaý-off jogap oýnuny oýnan Türkiýeliler, iki oýnuň netijesi boýunça Horwatlardan asgyn gelip (0-3; 0-0) EURO 2012-ä "bye bye.." diýdiler.

Bu netijeden soňra köpleriň ýazgarmagyna sebäp bolan Türkiýäniň Milli ýygyndysynyň Gollandiýaly baş tälimçisi Guus Hiddink, öňümizdäki günlerde resmi ýagdaýda Türkiýeden gitmekçidigini köpçülikden gizläp durmady. "Bu oýun meniň Türkiýäniň baş tälimçisi hökmünde soňky oýnym bolar.." diýen Guus Hiddink, Zagrebdaky oýundan soň futbolçylaryň eşik çalşyrýan ýerine baryp, Milli ýygyndyň futbolçylary, tälimçileri bilen hoşlaşdy.

Türkiýanyň Milli ýygyndysynyň uçary bilen Türkiýä dolanman, Horwatiýadan öz watany Gollandiýa giden Hiddink, oýundan soň žurnalistleň soraglaryny hem jogaplady. Žurnalistleriň biriniň "Mundan soň näme etmekçi?" diýip beren soragyna ol: "Bilmedim.. Men entek öz geljegim barada belli bir karara gelemok. Maňa wagt gerek. Dogry, ýaşymam bir çene bardy. Ýöne bu diýmek karýeram gutardy diýmek däl" diýip jogap berdi.

Hiddink Türkiýäniň Milli ýygyndysynyň başynda çykan 16 oýunynda onuň ýygyndysy 7 ýeňiş gazanyp, 4 oýnuny deňlik, 5 oýnuny bolsa ýeňliş bilen tamamlady. Bu bolsa Hiddinkiň Milli ýygyndylardaky tälimçilik karýeralary (Gollandiýa, G.o. Koreýa, Awstraliýa, Rossiýa) bilen deňeşdireňde, Türkiýe iň pes netije görkezen Milli ýygyndysy diýmekdir.

Aslynda Hiddink güýçli tälimçi. Dünýäde sylanýan, hormat goýulýan tälimçi. Mundan öňki ähli Milli ýygyndylarynda hem toparyny iň abraýly ýaryşlaryň iň arzyly ýerlerine eltmegi başarypdy. Türkiýäniň EURO 2012-ä gitmezliginde köp adam Guus Hiddinki günäkärleýär. Imenno meň özüm şu ýaşulyny günäkär hasaplamok. Türkler mundan beter näme islänine düşünemok. Toparynda Germaniýa bardy. Germaniýadan öňe geçmek bolsa Türkiýäň derejesindäki islendik ýygyndy üçinem "düýş" bolup durýar. Öz elinden gelen iň gowysyny etdi, Türkiýäni toparçasynda Germaniýadan soň 2-nji edip plaý-offlara çykardy. Plaý-offda Horwatiýadan utulmaklarynda meýdançadaky futbolçylaň günäsi uly. Hemme zat futbolçylaryň özlerinden, ikinji oýundaky ýaly adam şekilli oýnanlyklarynda Türkler EURO 2012-de bolardylar. Ýene bir zat, Türkleň EURO 2012-ä gitmezliginde TFF-niňem günäsi ýoksuz däl. Guus Hiddinki tälimçilige çagyryp ýalňyşdylar. Türklere öz türklerinden başga tälimçi gerek däl. Ýadyňyza düşýän bolsa, türkler öz üstünlikleriniň hemmesine diýen ýaly türk tälimçileri bilen ýetipdi.

Guus Hiddinkiň ýerine häzirlikçe iň uly kandidat hökmünde IBB-niň baş tälimçisi Abdullah Avci görkezilýär. Ol U17 Türkiýäni ýewroparyň çempiony edipdi (2007-nji ýyldy öýdýän). Geçen ýyl bolsa, IBB bilen Türkiýäniň kubogynda final oýnapdy.

Türkleň EURO 2012-ä gitmezliginde kim günäkär?

Oguz Cetin(25%, 5 adam)

Guus Hiddink(15%, 3 adam)

TFF(10%, 2 adam)

Futbolçylar(30%, 6 adam)

Horwatiýa(0%, 0 adam)

0-3(5%, 1 adam)

Bütin 70 million Türkiýe(15%, 3 adam)