Güýz ýodasy (Gosgy)
Güýz ýodasy
Çaşyp ýatan bu saralan ýapraklar,
Ähli pikirleri jemleýän ýaly.
Göýä güýzüň gussasynda bu çaklar
Arka atjak ýaly ýene bir saly.
Ýene günler geçer, ýene aý geçer,
Senem düşersiň soň bir gün ýadyma.
Durnalaram gökde hat ýazyp göçer
Ýene ýaprak gaçar olaň badyna.
Köňlümde bir gunça açylar belki,
Suwararyn durnaň gözýaşy bilen.
Kämilleşer bakyşlarym meň ilki,
Soň kemal taparyn pikirlerimden.
Yz goýar ýürekde irki günlerim
Eýsem, geçen güni unutmalymy?
Her ýaprak gaçanda dolan depderim,
Ep-esli artdyrar umytlarymy.
Depder kitap bolar, okalar içgin,
Ýene-de gussaňy ýetirer pelek.
Ençeme ýyldyzy görmegiň üçin
Ýekeje Güneşiň batmagy gerek.
Arşivin durumu
● Tam metin
● 11/11 yorum korunmuş
Yayımlandığı site: ertir.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 11
Sag bol gaty gowy go$gy edil $uwagytlar botanika bagyna barsañ gaty owadan bolandyr.
Go$gyñ awtory kim?
Guyz paslynyn oran owadan peyzajlaryny halayan saralan yapraklaryny hasam. Goshyna minnetdar, oran gowy eken haladym!
Sagja bol dost, goshgy yazmak senin bn plyusyny bermek menin bilen
oran owadan goshgy yapragyng ustı bılen beyle pıkırlerı berıp bılmek....gaty owadan goshgy soz yok..
Senem sagbol! Awtory özüm!
Defne birinji iki setiriňde garaşylmadyk suratlandyrma bar. Çaşyp ýatan ýapraklar pikirleri jemleýär. Adatça pikirlerimem ýapraklar ýaly dargapdyr diýseň düşnkli. Emma sen täze bir zat aýtjak bolýaň, okyjyny bolsa ony jedelsiz kabul ederýaly taýýarlamansyň, onsoň ol böwrüni diňläp durýar.
Senem düşersiň soň bir gün ýadyma. däl-de Soň bir gün düşersiň senm ýadyma diýseň akgynly okalýar.
Iň soňky iki seitiri haladym. Jedelsiz dogry hem täze.
Berekella umuman erbet däl.
Sagboluň yhlasly aga, göz öňünde tutaryn. Birinji iki setirde terslik ulanjak boldum. Yzyndaky iki setirde bolsa biraz düşündirjek boldum, agyrrak bolupdyr öýdýän.
Beýleki teklibiňizde siziň düzedişiňizde soň bir gün diýsek, ony özüm ýadyma saljak ýalyrak bolar. Ýagny anyk maglumat bar ýaly. Men bolsa günleň, aýlaň geçmegi bilen garaşylmadyk wagty ýadyma düşensiň diýjek boldum!
Umuman ullakan sagbolsun aýdýan!
Edebiýat äleminde üstünlik arzuw edýän.
👍
Hemmäňize minnetdar!
Define, taeze goşgularyng üçin berekella