Wyždanlardaky gözegçi

Bu pikirimi tassyklamak üçin alyslardan delil gözläp ýörmeli däl. Gündelik durmuşymyza ser salsak, munuň şeýledigini tassyklaýan bir däl, onlarça delil görkezmek mümkin.
Gazetlerden birinde ýakynda bir habar çykdy: pylan atly süýtçi süýdüni alan bahasyna satyp, uly baýlyk jemläpdir, köşk ýaly şarňyldap duran jaý edinipdir.
Ol nähili beýle bolýar, diýjeksiňiz.
Bir adam alan bahasyndan süýt satsa, jaý gurdurmag-a beýlede dursun, bar jaýyny-da satmaly bolaýmasa... Emma, gürrüňini edýän süýtçimiziňki-hä beýle bolmaýar. Çünki ol satyn alan arassa, gatançsyz süýdüne köp mukdarda suw goşýar, bize-de süýt diýip suw satýar. Müşderilerini aldap gazanan bu haram puly bilen-de köşge barabar jaý gurdurýar.

Has geň ýeri, iň häzirkizaman anyklaýyş enjamlary bilen üpjün edilen barlag gullukçylary bu köre belli gözboýagçylygyň öňüni alyp bilmeýär.
Aslyýetinde, öňüni almak ýeňilem bolmaz.
Çünki, polis ýa-da gözegçi hiç wagt ynsanyň kalbyna we wyždanyna aralaşyp bilmeýär. Bet pygylly adam açyk meýdanda, hemmäniň gözüniň öňünde jenaýat etmeýär. Il-günüň gözünden alysda, gizlin we çet ýerlerde özüniň bet pyglyny amala aşyrýar. Ynha şeýle pursatda ony görjek, biljek, duýjak gözegçä zerurlyk ýüze çykýar: ol hem diňe wyždanlardaky “Allah görýär” düşünjesi bolup biler.

Bu mesele şeýle bir möhüm, şol derejede-de äşgär welin, sözi uzatmaga ne hajat. Wyždanyndan iman-ynanjy, “Allah görýär” düşünjesi sogrulyp alnan süýtçiniň elinden gelse başga-da haramlyklary etmekden gaýtmajakdygy hemmämize belli... Polisiň demine düşýänçä saňa, maňa süýt ýerine suw satyp aldamajakdygyna kim kepil bolup biler?!
Geliň, indi size kalbynda we wyždanynda iman, Allah we pygamber ynanjy ornaşan başga bir süýtçi bilen baglanyşykly bir hadysany gürrüň bereýin:

Bir gije halyf Hezreti Omar halkyň hal-ýagdaýyny bilmek üçin aýlanyp ýörkä, bir öýüň deňesinde aýas çekýär we öýüň içinde bolup geçen şu gürrüňi eşidýär:
– Gyzym, ertir satjak süýdümize suwam goşduňmy?
– Ýok eje! Halyfyň süýde suw goşmagy gadagan edendigini bilýäň-ä.
– Gyzym, seniň diýýäniň näme? Gijäň bir wagty halyfyň nireden habary bolsun? Ol häzir öýünde süýji ukuda ýatandyr.
Düşbi gyz ejesine şu üýtgewsiz hakykaty ýatlatmaly bolýar:

– Eje, eje!.. Halyf uklap ýatan bolsa, Allah-da ukudadyr öýdýäňmi? Halyfyň habary bolmasa, Allahyňam habary bolmaz öýdýäňmi?! Hilämizi ynsanlardan gizläp bileris, emma ähli zady görýän, bilýän Allahdan nähili gizläris?
Eziz okyjy! Ynha asyl mesele hem şunda. “Ynsanlar uklap biler. Emma, Allah uklamaz we Onuň nazaryndan hiç bir närse gizlenmez”. Diýmek, din ynsanlaryň kalbyna şeýle bir hüşgär gözegçi, şeýle bir eserdeň polis ýerleşdirýär welin, ol ne uklaýar, ne-de gözünden haýsydyr bir jenaýat ýa-da ýalňyş hereket sypýar.

Sözümiň ahyrynda size şu sowal bilen ýüzlenýärin:
- Asudalygy, parahatlygy saklamakda, jenaýatlaryň we jemgyýete zyýanly hereketleriň öňüni almakda meýdanlardaky gözegçi has täsirlimi ýa-da wyždanlardaky?!

Gazetden alynandyr, gyzykly hem gerekli meseläň üstünde duransoň paýlaşaýyn diýdim.

Gaty gowy edipsin 🙂) sagbol

Allah razy bolsun, Mirasymyz! Goshulyan. Peydaly mowzuk. Hz. Omer bn copan oglanjygyn arasynda gecen gurrunde-de shu yagday bar. Garaz, iman ynsany ynsan eder, belki-de soltan eder.

Mirasymyz Taňryýalkasyn , elbetde adamyň ýüreginde Allah gorgusy bolsa oňa daşyndan gözegçi gerek bolmaz. Sebäbi ol adam her pursatda özüni ylmy bilen görüp duran Hudaýdan utanyp we gorkup ýaman işden saklanar.

Alla senden razy bolsun dost

Ata:
Allah razy bolsun, Mirasymyz! Goshulyan. Peydaly mowzuk. Hz. Omer bn copan oglanjygyn arasynda gecen gurrunde-de shu yagday bar. Garaz, iman ynsany ynsan eder, belki-de soltan eder.

minnetdar

Alla razy bolsun agam. Ata agan aydyshy yaly IMAN ynsany ynsan eder belki soltanam eder. ajayy sozlem. Alla yalkasyn sizi

hawwa, Allah garanky jayyn ichinde gara dashyn ustunde yorap baryan gara garynjany hem goryandir we ayak sesini eshidyandir.