PALTA OGRUSY

PALTAOGRUSY
Bir adam bir gezek paltasyny ýitiripdir. Ol paltasynyň ýitenini goňşusynyň oglundan şübhelenip, ony gizlin yzarlamaga başlapdyr.Hakyt onuň ýöreýşi, hereketi, özüni alyp barşy hut baryp ýatan ogryň bar-da.
Paltasyny ýitiren adam birnäçe wagt geçenden soňra, tötänlikden ýonuşgalary dörüşdirip ýörkä, ynha paltasyny tapaýmazmy?!
Şol günüň ertesi goňşusynyň ogly ýene gözüne kaklyşdy. Ýok, ýok, bu bolup bilmez. Onuň hereketinde hiç-hili ogra meňzeýän ýeri ýok. Hatda onuň seredişinde-de ogrulygyň nam-nyşany ýok...

Ýok, köşek, heý onuň ýaly oglan hem ogrulyk edermi, näme ?! Hiç beýle zat bolup bimez.

======================================================================

Hormatly Adamlar ýokardaky hekaýa bilen gönüden-göni baglanşykly bolmasa hem aramyzda köp ýaýran we rowaç alan GYBAT keseli barada aşakda bäş-on kelam ýazdyk.
Ata – babalarymyzyň: ʺGüman imandan aýyrarʺ, ʺÝedi ölçäp bir kesʺ,ʺ Çala eşidip çatma, öte eşidip öý ýykmaʺ! diýen sözleri bar.
Açyk subut edilen delil bolmasa bir adam hakynda bet güman bolmak köplenç ýagdaýda uly günälerden bolan TÖHMETE ya-da GYBATA eltýär.
GYBAT näme? Gybat ULYGÜNÄLERDEN bolup, bir adamyň özi ýok wagty şoňa degişli bolan islendik zat hakyndaonyň halamajak, gaty görjek gürrüňini etmeklige GYBAT diýilýär.
Ýene adamlaryň şahsy durmuş ýagdaýlaryny biljek bolup, kemçilik gözläp, onuň gizlin hallaryny, syrlaryny dörüp tankyt edipile paş etjek bolmak hem GYBATA girýär.
Ile belliahlaksyz, hyýanatkär we utanman haram işleri edýän ýa-da zalym adamlar hakynda gerek ýerinde habardar bolmak üçin gybata rugsat edilýär.
K.Kerim hem GYBAT etmekligiň ahlaksyzlyk we çirkin bir işdigini aýdýar. (Hujurat-12).
Gybatdan halas bolmanyň ýollary:
1.Allahyň (j.j.), Pygambermiziň (s.a.w.) we ijmag ummatyň HARAM edendigini ýadyňa salyp,Kyýamatda Allahyň (j.j.) gazabyna duçar bolup, ýüzigara boljakdygyňy ýatlamaly.
2.Gybatyny edýän adamyň saňa HAKynyň geçýändigini we seniň sogaplaryň oňa, eger sogaplaryň bolmasa onuň günäleriniň saňa beriljekdigini pikirlenmeli.
3.Odyň odunlary ýakyp gutarşy ýaly gybatyň hem sogaplaryňy ýakyp gutarjakdygyndan gorkmaly.
4.Gybat ediljek mahaly sözi-söhbetibaşga zada sowmak ýa-da şol ýeri terk etmek.
5.Gybatyny eden adamyňdan ötünç diläp, razylyk soramak.
6.ʺAllahym meni we gybatyny eden adamymyň günälärini bagyşlaʺ diýip doga etmek.
7.Gybat edeniň üçin, Allahyň (j.j.) Rehimliligine we tobalary kabul edýänligine sygynyp, çyn toba etmek. Hz. Aly (r.a.) bir gumly arabyň çalt-çalt toba kelemelerini gaýtalaşyny eşidip: ʺ Bu bir ýasama tobaʺ diýdi. Gumly arap ʺBolýar, onda çyn toba nähili bolarʺ?diýende: ʺ Tobanyň hakyky bolmagy üçin şu alty şert bardyr:
a-Eden işiňe puşman bolmak
b-Goýberen we ahmal eden parzlaryňy berjaý etmek
c-Biriniň Hakyny iýen bolsaň eýesine gaýtarmak
d-Ezýet, azar beren adamlaryňdan ötünç dilemek
e-Eden günäňi indi gaýtalamazlyga niýet we gaýrat etmek
f-Günäden lezzet alşyň ýaly Allaha (j.j.) tagat etmekden hem lezzet almakʺ.

Allahym Sizleri we içinde meni hem çyn toba edenlerden we bilýän ylymyna AMAL edenlerden eýlesin. ÄMIN,ÝÄRABBILALEMIN.