UKY

Ählimizebellibolşy ýaly, ukysagdynlygyň , şähdaçyklygyň wegörmegeýligiň çeşmesidir.
Uky adam beýnisiniň sagdyn işi üçin hem wajypdyr. Ol rahat bolmalydyr. Munuň üçin biynjalyk ukynyň peýdasy ýokdur. Adamyň beýnisi dartgynly bolýar, dynç alyp bilmeýär. Biz bolsa özümizi ýadaw, asla ýatmadyk ýaly duýýarys.
Adamlaryň köpüsi ukusyzlykdan zeýrenýärler, uky dermanlaryny ulanýarlar. Derman serişdeleri az-kem haýyr edýärler. Emma olara öwrenişilse, olaryň täsiri peselýär, uky biynjalyk bolýar.
Ukusyzlykdan, ukynyň bozulmagynyň dürli görnüşlerinden ejir çekýänler az däl. Gijeki ukynyň ornuny tutup biljek zat ýokdur. Bu ýagdaýlar biziň zähmete ukyplylygymyzy, işjeňligimizi peseldýär, psiho-emosional ýagdaýlarymyza oňaýsyz täsir edýär.
Lukmanlaryň maslahat bermegine görä, adama ukusyny almak üçin 7-8 sagat gerekdir. Emma käbirleri üçin 4-5 sagat hem ýeterlik bolýar. Olaryň özlerini duýuşy, işjeňligi artmasa, kemelmeýär. 10-12 sagat ýatyp, ukusyny almaýanlar hem bolýar.
Adam ömrüniň köp bölegi ukuda geçýär. Wagtynda ýatyp dynjyny almadyk adam birnäçe günüň geçmegi bilen gaharjaň, ýadaw bolýar, töwerek – daşy bilen hem gyzyklanmaýar. Alymlaryň barlaglarynyň netijesinde, adamyň ukusyzlygy açlykdan has agyr geçirýändigi subut edildi.
Agşam sagat 22-den 23-e çenli ýeriňize geçip uklamaklyk maslahat berilýär.
Käbir alymlar : "Islän  wagtyňyz  ýatyp, ukyňyzy alyň" – diýýärler. Mümkin, bu hem dogrudyr. Ýöne agşam sagat 19-da ýa-da   20-de uklap, gijäniň ýary oýanmak gerekmi?
Gije sagat 20-de beýnide serotonin (uky gormony) bölünip çykýar. Bedeniň temperaturasy peselýär. Şol wagt dynç alyp uklamak örän oňaýlydyr, sebäbi nerw ulgamy dynç alýar, bedenimiz gowşaýar.
Ukyňy almak üçin düşegiň, ýassygyňyz rahat bolmagy ähmiýetlidir. Ortoped-hirurglaryň pikirine görä, düşek gatyrak, ýukarak bolmaly. Bu oňurganyň gyşarmazlygy üçin zerurdyr. Ýassyk hem gaty beýik bolmaly däldir.
Agşamlyk nahary ýatmazdan 2-3 sagat öň iýilmelidir. Ýatar garna köp iýmek, agyr, ýagly tagamlary iýmek zyýanlydyr.
Ýatmak üçin ýeriňize geçeniňizden soň, telefonda uzak wagtlap gürleşseňiz, kitap okasaňyz, bedenterbiýe maşklaryny etseňiz, ukudan açylmagyňyz, asla ýatasyň gelmezligi mümkindir.
Ýeriňize geçmezden öň, rahatlandyryjy ösümlik çaýyny içmeklik maslahat berilýär. Ýyljajyk süýde 1 nahar çemçesi ary balyny garyp içseňiz, ähli uky dermanlaryndan peýdalydyr.
Mylaýym suwa düşünmek, arassa howada az-kem gezelenç etmek siziň ukyňyza gowy täsir eder.
Ýatýan otagyňyzýň temperaturasy   +18 +20 C° bolsa, siz örän gowy ukyňyzy alarsyňyz. Ümsümlik ýa–da pesräk eşidilýän ýakymly saz hem rahat uklamagyňyza ýardam berer.