PIL HAKYNDA JEDEL

PILHAKYNDAJEDEL

Hind ýurdundanPIL getirip golaýda,
Saklapdyrlar bir garaňky saraýda.

Henize çen görülmedik haýwany,
Göresi gelýänleň artypdyr sany.

Piliň sakçysyna muzduny töläp,
Görüp çykmak üçin rugsat diläp,

Sermenişip ýörüşlerne tümlükde,
Täsin jedel tutaşypdyr Pil hakda.

Holtumyndan tutan gataldyp sesin,
Diýen ʺPil-ä turba meňzeýär asyl.ʺ

Garaňkyda Piliň gulagyn ellän:
ʺOl-ýelpewaç-diýen-Gürleme bilmän.ʺ

Aýaklaryny elläp üçünji kişi:
Dıýen: ʺPürse meňzeş. Agyrtmaň başy.ʺ

Piliň arkasyny sypalap gören
Diýen: ʺAýdýanňyzyň barysy ýalan,

Beterinden beterin tapýaňyz gaýta,
Meňzeş ahyryn ol ýap-ýasy tagta.ʺ

Bu jedelde:ʺOl ýeňdi, bu ýeňildiʺ
Diýmek kyn. Onuňam sebäbi belli.

Eger-de birinde bolan bolsa şem,
Beýle samsyk dawa bolmazdy, belkem.

(Bilimli adam älemlere rahmetdir, bütin älem-jesetdir, bilim jandyr. Söýgi hem bilimiň netijesidir).
Hz. Mewlana Jelaletdin Rumy.

K.Kerimiň ilkinji aýaty ʺOKA!ʺ diýip inýär.
Pygambermiziň (s.a.w.) ylymyň ähmiýeti barada köp hadyslary bar.
Ylym bolmasa Adam ne Dinini ne-de dünýäsini  tanar.


ʺYlym ilendir iki dünýä rownagy(ýagtylygy),
Ylym ilendir tanymaklyk ol HAKYʺ
======== 0 =======
Çünki HAK kylmyşdyr ol YLMY şerif (abyraýly)
Her amal kylsaň gerek YLMYN bilip.
Hz. Ahmet Wepaýy.