Aşygana gazallar

Aşygana gazallar.

Waspyň ýazyp ýetişenok galamlar.
Ýazdym ýene aşygana gazallar.

Boýdan başa beýan etsem syratyň,
Ýazyjylar ýazanlarmy ýazarlar.

Asman gözelligin beripdir saňa.
Taňry päklik bagyşlapdyr ozallan.

Saçlaryň şamardyr, ýanaşsaň çakýar.
Her tary hüjm edip , jana dözerler.

Edepli-ekramly,utanç-haýaly.
Beýle bolup bilmez hemme gözeller.

Waspyň ýazyp-ýazyp gutardy galam,
Gutardy kagyzlar.
Ýene ýazar men.

* * *

Dişleriň deňiziň dür dänesimi?
Sözleriň kalbymyň syrhanasymy?

Mähriňem ýyljajyk göýäki Güneş.
Gursagym mähriňden hiç ganmadymy?

Umman gözleriňde galýan gark bolup.
Hany halasgärim ýar gelmedimi?

Kirpigiň hanjardyr , kalbyma sünjer.
Ýa-da aşygyndan ar almasymy?

Yşk meýin içsedim dodaklaryndan.
Damjalap-damjalap bal dammadymy?

Ogşamana dözmen ýaňaklaryndan.
Ýaňja gyzaranja ter almadymy?

Dillerden dökülen "Dür dänelerem"
Waspyňy ýazmana ýaýdanmadymy?

Dessanlar däl , romanlaram az saňa.
Bu gazal ummandan bir damjadymy?.

Gerçeknazar Amannazarow.

(06.03.2023)