Erkek eşek (mi?)

Biz erkekleriň öte geçýän ýerlerimiz kän. Belki häzir şu ýerde jynsymyza şuny ýöňkemek dogry däl bolmagam mümkin. Içimizde beýle halat bilen ýüzbe-ýüz bolmadyklar hem bardyr. Ýöne, meň ýaşaýan, içinde gezýän jemgyýetimiň köp böleginiň (işimiň, doslarymyň, tanyşlarymyň) agramly kysmy häzirki aýtjak bolýan "öte geçmeklik" bilen ýyllaryň synagyndan geçen... Menem bir ýerde bir zat görsem derrew ýazga geçirip ýöremok. Şonuň üçin gybat we nedawolnstwa bolmazlygy üçin, tutuşlygyna biziň jynsymyza däl-de, aýratyn maňa ýöňkäp bilersiňiz igenç we närazylygyňyzy...

Umuman...
Wakany gürrüň bereýin, yzyndan analiz ederis...

Özüňiz bilýäňiz, işde işsizräk wagtyň üýşülýä, çaýlaşylýa, gürrüňiň özi pesden belende galyp gidýä, garaz, işden başga hemme zadyň gürrüňi edilýär)

Täze gelen işgärimiz bardy. Deňi-duş oglan. Biziň işimiz gelim-gidimli edara bolonsoň gyz-gelin hem az däl. Ýaşy bar, garrysy bar, inçesi bar, ýogyny bar. Onsaň, ýaňky ýaly üýşülip otyrka, biziň ýüzümiz bakýan tarapdan bir gelin ýa gyz geçip gidäýse, şol wagtam ýanyňdaky gelin-gyza gowşagraklaň biri görüp ýetişäýse, boldy onsaň..
- planyjan barýa anha, çaýkap, bulap..
Ýene biri:
- aýagynyň ak ýeri görünip gidýär...
Başgasy:
- bor diýse, heleýimi kowup şuny aljak..
Ýene başgasy beýlekisine:
- bir sutga eliňe düşse nädersiň?
Başdaky gepe başlan:
- ee şuňa gowy gezenok diýdiler...
Ýanyndaky:
- garny ulalypdyrmy ýa köýnegi giňmaý?

Garaz, uzaltsaň uzaldyp oturmaly.. (dogrumy aýdaýyn özümde beýle häsiýet ýok). Köpüňiz eýýäm näme diýiljek bolýanyna düşünen bolmagyňyz mümkin..

Ýokarda aýdyşym ýaly, täze gelen işgärimiz hem biz bilen oturansoň, her oglan gürlände, görgülijik ýygrylyp ýere giräýjek bolýa. Akazytsa şo yzyndan 'gowy' sözler aýdylýan gyzy halap ýören bolsa nätjek. Men ony öňem syzýadym, ýöne üns beremokdym..

Ine hakyky mowzugyň düýp manysyna geldik. Öte geçýäs diýýänim ine şu ýerde. Hiç bir gyzyňam oglanlar tarapyndan özüne aýdylan ýakymly ýa ýakymsyz gürrüňden çetde galan däldir welin, ýöne çyndanam käwagt öte geçilýär.

Ýokardaky wakanyň içinde, biz bilýän däldiris şol gyzada hyrydaryň barlygyny, belki şol 'hyrydaryň' biziň ýanymyzda oturanyny, ol oglan üçin häzir içinde "wulkan" çogup gaýnaýanyny, gowy niýet bilen göz astyna alyp synlap ýören gyzyna, bu gün biz 1 minutda puja çykarýanlygymyzdan habarymyz ýok.

Göz öňüne getiriň, şol oglanyň ýerine özüňizi goýup görüň, çyndanam gaty 'abidno'. Hemme beýigi, pesini dile alynyp oturylan gyzyň ýanyna nädip barjak indi. Baraýsaňam, oglanlaň ýanynda nädip ýüzüňi galdyryp gezjek. Eger söýgülim hasap edeýin diýseň, eýýäm 'söýgüliň' hakynda hemme zady eştdiň.

Şonuň üçin biz oglanlar käwagt gaty samsyk bolýas.

Şu ýagdaý käwagt özümde-de bolýar. Köpçülikde (bazarda, toýda we.şm) duransyň welin, ne gözel gyz maşgala geçip barýarka, içiňden 'allanäme gyz ekeni' diýip diýmänkäň, golaýyňdaky 2 sany ýoknasyz eýýäm 'gowy' sözler (bökdüräýseň, çapdyraýsaň) ýollap ýetişýär.. bolanja işdäň kesilýär onsaň...