"Türkmenistan" teleradioýaýlymlar merkezi açyldy
17-nji oktýabrda Aşgabatda «Türkmenistan» teleradioýaýlymlar merkeziniň täze binasy açyldy. Onuň açylyş dabarasyna ýurduň Prezidenti Gurbanguly Berdimuhamedow hem gatnaşdy. Türkiýäniň “Polimeks” kompaniýasy tarapyndan gurlup, ulanylmaga berlen bu desganyň diňiniň beýikligi 211 metr bolup, ol paýtagtyň islendik künjünden görünýär. Telewizion diňiň ähli içki otaglarynyň umumy meýdany 60 müň inedördül metre barabar. Täze açylan teleradioýaýlymlar merkezi gepleşikleri sanly usul arkaly alyp görkezmäge niýetlenen häzirkizaman enjamlar bilen üpjün edilendir. Teleradioýaýlymlar merkeziniň maslahatlar jaýynda geçiren ýygnagynda Berdimuhamedow Medeniýet we teleradioýaýlymlar ministrligini ýatyryp, onuň deregine Türkmenistanyň telewideniýe, radio gepleşikleri we kinematografiýa baradaky döwlet komitetini döretmek
hakynda, şeýle hem Türkmenistanyň Medeniýet ministrligini döretmek hakynda permanlara gol çekdi. Medeniýet we teleradioýaýlymlar ministrligini reforma etmek barada Berdimuhamedow şu
ýylyň 27-nji iýunynda geçirilen Ministrler Kabinetiniň giňişleýin
mejlisinde aýdypdy. Medeniýet we teleradioýaýlymlar ministrliginiň düzümindäki Türkmen telewideniýesiniň baş müdirliginiň garamagynda bolan tele hem-de radio kanallaryň ýyl-ýyldan köpelmegi müdirligiň ministrlikden bölünip
aýrylmagyna esas bolupdy. Häzirki wagtda Türkmenistanda jemi 5 sany telekanal, dört sany hem radiokanal bar. Ýakyn günlerde bolsa ýene bir täze kanal—«Aşgabat» telekanaly efire goýberiler. Ýurduň Prezidentiniň tabşyrygyna laýyklykda, geljekde täze «Sport» kanaly hem efire goýberilip başlanar. Döwlet baştutanyň permany bilen Türkmenistanyň telewideniýe, radio gepleşikleri we kinematografiýa baradaky döwlet komitetiniň başlyklygyna Şadurdy Alowow, Türkmenistan medeniýet ministri wezipesine bolsa Gulmyrat Myradow bellenildi. Türkmenistanyň
Medeniýet we teleradioýaýlymlar ministrliginiň deregine döredilen edaralara täze bellenen ýolbaşçylar ozal hem şol wezipeleri eýeläpdiler. Türkmenistanyň Medeniýet ministrligi ençeme gezek üýtgedilip gurlupdy. Garaşsyzlygyň ilkinji ýyllarynda ol Medeniýet we turizm ministrligi bolupdy. 1995-nji ýylda turizm
onuň düzüminden çykarylyp, medeniýet ýene aýratyn ministrlik hökmünde galdyryldy. 2003-nji ýylda bu ministrlik Medeniýet we habar beriş serişdeleri diýlip atlandyryldy. 2004-nji ýylda bolsa ministrligiň düzüminden metbugat çykarylyp, ol Medeniýet we teleradioýaýlymlar ministrligine öwrülipdi.
Arşivin durumu
● Tam metin
● 27/27 yorum korunmuş
Yayımlandığı site: ertir.com · Kaynak: Web Archive kopyası — ertir.com, 15 Mayıs 2012 · Orijinal sayfayı gör ↗
Yorumlar 27
Täze kanallar hacan görkezip ba$larka?
Şol täze telemerkeziň ýerleşýän ýerine baryp gördüňizmi? Meň iki sany tanşym telewideniýede işleýär. Bir hepde mundan öň gürleşdim. Ikisem iş gözläp ýör. Täze açylan ýere göçmeli diýlensoň, gaýtjak bolýarlar ol ýerden. Asla gatnar ýaly ýer däl diýýär. Dagyň depesinde ýerleşýär. Awtobus gatnanok ol ýere. Taksi 50,000 manatdan bäri eltmeýär.
Aşgabat telekanaly 27-nji oktýabrda görkezilip başlanmaly diýdiler. Sport diýilýän kanalyň haçan görkeziljegini bilemok.
Sag bol Terrozini.
taze kanaly tunere nadip goshup bolarka? Kody nache?
taze kanaly tunere nadip goshup bolarka? Kody nache?
Kanalyn ady name we name hakda koplench? Kino zat bolyamy bir?
Entäk efire gidenok. Çastotyny bilsem aýdaryn
Kanalyň ad-a Aşgabat. Mirasdan, Ýaşlykdan, Altyn Asyrdan tapawutlylykda diňe ady üýtgeşik
😆 dushnukli.sag bol! 😆
ha-ha-ha-ha-ha..! ))))
Kim şu günki TW-ni gördi. Täze bellenen Medeniýet ministri Gulmyrat Myradowy gördüňizmi? Narkoşa meňzeýär. Hökman akjany ýa garajany basýan bolmaly şol.
Ogulgözel Nazar gyzy diýen betinden şahyr Gulmyrat Myradowyňaýaly eken.
Dogrudanam, nadip ishgarleri gatnamalyka? Barsinden seredeninde kanatnydan bir sahel pesirakde. Yorite shol yere ishgarleri gatnatmak uchin marshrutka ya awtobus tutularmyka? Ya her kim alan aylygyny benzine sindirmelimika?
kanatnyň dagy hijä oň ýanynda. Gyşyna nädip barjak diýsene. O taýda howa sowuk bolýar. Diňe buz bolup durar. Maşyn galmaz o taýyk gyşyna. TYelewideniýäň işi ozalama kyn welin, indä hasam kynalar.
😎
Gatnamagy bir zat edip ýola goýarlarlaý olaram samsyk däldirlerä.
Aý näbileýindä, medenýet, sport, aýdym saz ýagny ähli mediýa, ýeke liberal, ýagny erkinräk ýagdaýda, miwe berip bilýär, gapdalda ideologiýa zynjyry bn daňyk bolsa, şol bir kanallyrda, menä lişno şol prezidantyň özi görýändir oýdemok, biziň hemmämizem orsyň ORT-asy bilen önüp ösen, bilmedimdä,ýöne myjabat däl, ynha kinoteatr gurdular, hany Kinolar, iň bolmanda terjime edilen hindi kinolar ? Üstünlik Size diýäymesem
Ýöne bez prikola, o taýdan, turistik zona edip bilerler, meslem paraşutdan bökmek, kiçiräk ýele urugýan planner samalýot uçurmak ,gyşyna lyža sürmek w.ş.m, Kellesine kaska geýdirýäň i perýod.