Okamda gaty gynanypdym
- Men gürrüň bereýin,
Gulak goý senem.
Hiç haçan adymy
Tutmazdy enem.
Köçelerde oýnap,
Oýnap günuzyn.
Gelemde diýerdi:
Açsyñ sen, guzym!
“Köşegim” diýerdi,
Diýerdi “iner”,
Diliňize gurban
Bolsaň, eneler!
-Eje! – diýenimde,
Diýerdi “jana!”
Nan salyp, okuwçy,
Mata bukjama,
Meni ýatymlyga
Ugradýan dek ol
Diýerdi “Sag git-de,
Sag-amanja gel!”
Fronta ugraljak
$ol agyr günem,
Meniň öz adymy
Tutmady enem .
Goşhaltama salyp
Tapan-tupanyn,
Gördüm eli bilen
Ýüzün ýapanyn..
“Mert bol, eje”.. – diýip,
Yzyn ýuwutdym,
Çaga däl – on ýedi
Ýaşan ýigitdim.
Bu söze has beter
Bozuldy käbäm:
“Seni öýeribem
Bilmedim, balam”.
Ol maňa bakýardy,
Göýä ýazykly,
Bu bakyş hem agyr
Hemem näzikdi.
Men turdum... Enem hem
Des-deň dikeldi,
Gujaklanda bir dem
Demi tükendi.
Beýik hesret bilen
Birsellem dymdy,
Syrylan kelläme
Gözýaşy damdy.
-Nowbahar perzendim,
Nowça çynarym!
Diýip, bir ah çekdi –
Yrandy tärim.
Meň boýnuma bukaw
Boldy goşary,
Badaşan dek bolup
Çykdyk daşary.
Uruşdyr. Kim galar,
Kimlerem öler.
Agram bolsa size düşýär, eneler!
Moskwaň düýbünde,
Gazaply gyşda,
Bir ölüp dirildim
Agyr söweşde.
Gardan kepen
Ýapylypdyr üstüme,
Dört sagatdan
Gelipdirin essime,
Gözüm açypdyryn,
Gijäniň ýary,
Otyr başujumda
Halatly biri.
Bir zat diýjek boldum –Gurapdyr dilim,
Bolsa-da namartlyk
Etmändir ölüm...
Begendim: ellerim
Bitindi bitin!
A sag aýak
Saralgydy büs-bütin.
Ýazmalymy, ýokmy –
Bolan zat hakda,
Zäherli ok galan eken uýlukda.
Aýagy kesjekler,
Bu belli eýýäm,
Bir ýazaýyn, birem ýazmaýyn diýýän.
Ýüregimde arman,
Gözlerimde nem,
Muny hat-habarsyz
Duýupdyr enem!
Özümden öňürti
Ýazypdyr käbäm:
“Düýşümde bir dişim
Gopdy-la, balam.
Sen bolsa şeýle şat
Bir gülýämişiň,
Jan ogul, ne güne
Uçrady başyň?!”
Men gürrüň bereýin,
Gulak goý, senem:
Öýe gelsem eýýäm...
Ýok eken enem.
Öýde dyzym epmän
Ýanyna gitdim,
Çaga däl, on sekiz
Ýaşly ýigitdim.
Bardym mazarlyga
Pişegmi süýräp,
Süýndüm guburyna
Maňlaýy diräp.
Başujuny saklap,
Ýatdym günuzyn,
Seslenen bolmady:
“Sen açsyň, guzym”.
A men tebsiräpdim
Hem örän açdym,
Sebäp, ejem ýaşdy,
Özümem ýaşdym...
Arşivin durumu
● Tam metin
● 16/16 yorum korunmuş
Yayımlandığı site: ertir.com · Kaynak: Web Archive kopyası — ertir.com, 20 Mayıs 2012 · Orijinal sayfayı gör ↗
Yorumlar 16
sagja bola Awtor, hakyky goshgy okan yali boldym. Urshyn ajy sharpygy goshga has hem owushgin beripdir.
Gaty gynandymay;(Gaty gowy goshgy eken dost! Awtory kim'. Dunya dursun goy bizin enelerimiz dursun!
oran tasirli goshgy eken!
Cuñ manyly gaty oñat go$gy ekeni.Sagja bol Friend.
Gowy goshgy, ongurak talyplarda-da okadym.
Gowy goshgy, ongurak talyplarda-da okadym.
gowy yazlypdyr. gozume yash aylandy okamda.
Kopden bari beyle tasirli goshgy okap gormandim. Minnetdar.
Bähh gynancly eken!
Sag bol . Goşgyň gaty çuň manyly ýazylypdyr, eneler barada näçe ýazsagam azzzz....
AWTORYNY MUMKUN BOLSA, PAYLASANYNYZ UCIN SAG BOLUN
Ýurt asuda bolsun, Allahym.
Kim näme diýse diýibersin, şu öýümizde arkaýyn ýatyp-turýandygymyzyň özi bir zada degýändir.
Uruş belasyny görkezmesin!
Amin Garadamakly Amin
Awtorynyn kimdigi hakda aytsam,Berdi Kerbabayewmika diyyan.Yone goshgy diysen manyly we gaygyly,oglan bolsagam gozden yash damypdyr....Name....erkeklerin yuregi dashdanmay?!
Yogalyar eneler! Yogalyar,arman,
Doyman ogullarnyn gamdyr bagtyndan.
Sheydip,ene mahrin gorjek perzentler,
Yetim bolup galyar ayny wagtynda.
Sowesh guni sowesh donuny geyen,
Chaga yurt ykbalyn goramak ne kyn?!
Watan uchin bash goyyarlar ogullar,
Barde enelermiz galyarlar yetim...
Gurbannazar E.
Sabyrly Tap bir zat Goze cop gacdy, Tusse gitdi, Sogan dogradym. Bolmoso agladyan zat kana how. :-(