BALYŞ ÖWEZOW HAKYNDA OGLUNYŇ ÝATLAMALARYNDAN...

Nayza· · 309 kez okundu· beğeni: 10ertir.com

Batyr Öwezow,TKP MK-nyň birinji sekretary, TSSR Ministrler söwetiniň başlygy ýaly wezipelerde işlän ,öz kakasy Balyş Öwezow baradaky ýatlamalarynda şeýle diýýär:
1. Okuwy gutaryp, Moskwada işläp ýörkäm (60-njy ýyllaryň ortalary) kakam geldi, keýpi gowy däldi. Men ondan “Näme boldy?” diýip soradym. Ol şonda Hurşewa “TSSR-yň özünde gaz çyksa-da, ilaty gaz bilen üpçün edip bilemizok. Gazymyz bir metrlik turba bilen daşary ýurtlara iberilýär. Heý, bolmanda 30 santimetrlik turbadan özümize gaz alsak” diýip mesele goýupdyr. Şonda oňa “milletçilik edýäň” diýip käýäpdir.
2. Kakamy işden boşadanlaryndan soň Geologiýa uprawlenyäsynyň naçalniginiň kadrlar boýunça orunbasary wezipesini berdiler. Şol döwürde Garagum kanaly hakda ýazan dissertasiýasy Moskwada goramaly güni belli edilipdi. Gelmeli güni gelmedi. Görüp otursak onuň komandirowka şahadatnamasyny ýyrtyp zyňypdyrlar. “Näme üçin beýdýäňiz?” diýip sorasa, “Ýokardan buýruk bar” diýipdirler.
3. Ermenistan SSR-ynyň ýolbaşçysyndan öz dilinde TSSR-yň 40 ýyllygyna gutlag haty gelipdir. Kakamyň iki sany kömekçisi bardy biri ermeni Wartan Dawidowiç Artýunow, beýlekisi ýewreý Isaak Matweýewiç Grinberg. Şol haty ermeni kömekçisine terjime etdirip, hata jogap hökmünde Ermenistana türkmençe hat iberipdir. Şonda Ermenistanyň baştutany kakama “meň hatymy terjime etmäge ermeni tapypsyň, emma men ýekeje türkmen tapyp bilmedim” diýipdir.
4. Käbir adamlar “kakaň bilen Şaja Batyryň arasy nähilidi?” diýip soraýarlar. Men kakamyň Şaja Batyr hakda öwgüli sözlerini kän eşitdim. “Akylly, gowy adamdy “ diýýärdi. Meň özümem Şaja Batyryň ogly Sähet bilen gowy dost.

Arşivin durumu

● Tam metin

● 16/16 yorum korunmuş

Yayımlandığı site: ertir.com · Kaynak: Web Archive kopyası — ertir.com, 10 Mayıs 2012 · Orijinal sayfayı gör ↗

Yorumlar 16

Gudrat 13 Ekim 2011 19:03

Aý ol döwürde ýolbaşçy bolup öz halkyň aladasyny etmäge hakyň bolmandyrda her hili döwür barda.

Nayza 13 Ekim 2011 19:25 +1
  1. Kakam sowminiň başlygy wezipesinden boşandan soň birnäçe wagtlap işsiz boldy. Şoň üçinem ejemiň garakölden tikilen possunyny Moskwada satmaly bolduk. 6 çaga, pulam ýok. kakam sat diýensoň men ony satmak üçin komission magazine tabşyrdym.
Adnan Menderes 13 Ekim 2011 19:32

Mena gynandym welin, name diyjegimem bilemok

Nayza 13 Ekim 2011 19:48 +1
  1. Kakam Magtymguly Garlyny tutuş süňňi bilen diňlärdi. Bir gezek radioda Magtymguly aga aýdym aýdýarka jaň gelipdir.  Ol jaňa jogap bermändir. Kömekçisi gelip jaň edýäniň Brejnewdigini aýdypdyr şondan soň trupgany galdyrypdyr. Telefona jogap bermendiginiň sebäbini  Brejnewe düşündirende Brejnew loh-loh edip gülüpdir.7. Baýmuhammet Garryýew Moskwada işleýän eken. Onuň Aşgabata gelmegine kakam sebäp bolupdyr. Ol Baý agany türkmen nakyllaryny rusça terjime etdirmek üçin çagyrypdyr. Muny maňa Baýmuhammet Garryýewiň özi gürrüň beripdi.
lampa_design 13 Ekim 2011 20:12

Kop sag bol dost. Gyzykly we gynandyryjy waka. Oz taryhymyzy bilmeli biz.

Lazer Boy 13 Ekim 2011 21:30

Бейба дост билмейанлеримем билдирдин сена, сагжа бол

Terrorzini 13 Ekim 2011 21:30 +1

Batyr Balyşowiçiň özi hem güýçli adam. Men 1994-nji ýylda Politinstitunda bir iş meselesinde onuň garamagynda 1 töweregi işläpdim. Türkmen elipbiýinde öňki kirilde bäş sany harpy kompa girizen ilkinji adam Batyr Balyşowiçdir!

Terrorzini 13 Ekim 2011 21:33 +1

Ýadyma düşýär, 5 sany harp ýok, onsoň sifra goýup ýazýadyk, (178)-j harpy, garaz. Soň Batyr Balyşowyň programmasy boýunça edildi şol zatlar.

Ya Swami 14 Ekim 2011 03:03

Şunuň ýaly taryhlar biziň jemgiýetimizde gytyrak, geçmişimizi geljegimiz üçin öwrenmeli! şol döwürlerde, garaşsyzlyk meýili bolan adamyň ýogyna derrew ýanýar ekenler, Moskawa doly şertde boýun egýän ýolbaşçylar bolmosa, işden düýp göter aýyrýar eken. Juda mekirräk ýa ekabyrrak adam bolaýmasa, şol sovet döwletinde ýolbaşçy bolaýmagam aňsat däl eken. Ýone muňa garamazdan, şonuň ýaly problemalardan çykyp bilýän, ýolbaşçy adamlaram bolupdyr !

shirturkmen 14 Ekim 2011 04:56

Awtora yurejik basyp bolsa, basardym. yzy kesilmesin. 

Ahmet Amangeldi ogly 14 Ekim 2011 05:53

Sag bol awtor.Maglumatlary paýla$anyñ ücin minnetdar Dost.

Andy Roddick 14 Ekim 2011 15:22

Balysh Owezowyn gyzy, Mira Balyshowna, turkmenistanyn at gazanan lukmany, halkara sertifikatlaryn eyesi, chaga newropatology, bizin mugallymymyz. Okde newropatolog...

Nayza 14 Ekim 2011 15:33
  1. Türkmeniň asyrlar boýy arzuw edip gelen Garagum kanaly onuň göz-guwanjydy. Kanal Aşgabada gelende, lentasyny kesmek onuň paýyna düşüpdi. Ol işden boşadylandan soňam “Wah, kanalyň suwunyň Krasnowodskä ýetenini görsem armanym ýok” diýerdi.

Nayza 14 Ekim 2011 15:33
  1. “Üýtgeşik akylly tire-de, üýtgeşik samsyk tire-de ýok” diýerdi. “Bir tireden alymyň, bagşynyň ýa-da ýazyjy -şahyryň döremezligi biziň betbagtçylygymyz” diýerdi.
Nayza 14 Ekim 2011 15:34
  1. 1969-njy ýylyň dekabrynda işden çykaryldy. 70-nji ýylyň martynda ýarawsyzlanyp keselhana düşdi. Onuň şol wagta çenli polikilinikada ýarawsyzlygy hakda kartoçkasam ýok eken. Hiç haçan doktara barmandyr. Soramaga baranlara ýarawsyzlygy barada hiç zat gürlemeýän eken. Özüne kiçilik bilýän eken. Ýanyna Kerim Maşryk, Oraz Annaberdi, Aky Safarmämmedow, Aşyr Muhammedow, Halmyrat Garaýew, Annamämmet Ýollyýew, Myratberdi Sopyýew dagy gelerdi.