Waspnama

Kimler siziň saçyňyzy gulaçlap,
Kimler size "Aýym, Günüm" diýipdir.
şeýdip on bäş ýaşly Geýneden başlap,
ýetmiş ýaşly Gýota çenli söýüpdir.

Aýallaň görküne mynasyp baha
Berip bilmese-de käbir erkekler,
Boýun alman durup bilmez asyl-ha,
Olar näme gördi entek-entekler.

Garagumuň ýalyn ýaly çoguny
Polat kimin bedenlere siňdiren -
çagalarňyz "kaka" diýip aglanda,
Sizdiňiz şol "Gelýär" diýip diňdiren.

Sizdiňiz şol siziň üçin gan döken
Gerçekleriň tüýs mynasyp dost-ýary.
Watan ogly Watan üçin jan çeken,
çagalaryň, garrylaryň hossary.

"Aýym" diýip, "Günüm" diýip köp şahyr,
Size bägüllerden örtse-de örtük,
özüňiz hakdaky beýik goşgyny,
özüňiz ýazdyňyz hemmeden artyk.

Halyl Kulyýew