Carles Puyol: "Mende ýekeje çykalga bar, olam futboly taşlamak.."

Ispaniýanyň Milli ýygyndysynyň hem-de "Barcelona" futbol klubynyň 33 ýaşly goragçysy Carles Puyol öňümizdäki günlerde futbolçylyk karýerasyny tamamlamagy mümkin. Onuň beýle karara gelmeginiň esasy sebäbi, şu ýylyň ýanwar aýynda alan şikesi we bu şikesiniň onuň kadaly oýnamagyna päsgel berýänligi bolup durýar. Bu barada "Sportbox" habar berýär.



Puyol: "Mende ýekeje çykalga bar, olam futboly taşlamak. Alan şikesim bilen birnäçe aýyň dowamynda göreşdim we futbol oýnamagymy dowam etmek isledim. Wagt geçdigiçe bolsa bu islegim ýuwaş-ýuwaşdan ýok bolup başlady. Sebäbi şikesim gowlaşaýanok. Maňa bolsa beýle ýagdaýda futbol oýnamak kyn." - diýip, futbolçylyk karýerasyna soňky nokady goýjak günleriniň daşda däldigini duýdurdy.

Ýadyňyza düşýän bolsa Puyol şu ýylyň ýanwar aýynda dyzyndan şikes alypdy hem-de şondan soň geçen sezonyň dowamynda La Ligada bary-ýogy ýekeje oýunda, Çempionlar Ligasynyň bolsa diňe final oýununda 90-njy minutda meýdança çykypdy. Bu sezon bolsa diňeje iki oýunda meýdança çykyp bildi. Soňky 11 aýyň dowamynda alan şikesi sebäpli Milli ýygynda çagyrylmadyk Puyol, şu aýyň 7-sine hem-de 11-ne oynaljak EURO-2012-iň saýlamalarynda oýnamak üçin ýene-de Milli ýygynda täzeden çagyryldy.

Bellik: www.tmsports.netde blog açyp bolanok, ýa-da men açyp bilemok. Sebäplerini bilseňiz aýdarsyňyz-da kyn görmeseňiz.