Enäniñ sesi (Italmaz Nuryýew)

Säher turup ele galam alamda,
Sesiñ gelýär:"Ölcherdiñmi, han ogul?.."
Goshgymy tamamlap, hoshal bolamda,
Sesiñ gelýär:"Ölcherdiñmi, han ogul?.."

Käte char ýanyma gaharly garap,
Gelnimden, chagamdan gezsem yrsarap,
Goh turuzsam, buz üstünden toz arap,
Sesiñ gelýär:"Ölcherdiñmi, han ogul?.."

Awa chykyp, bukulyp bir ýylgyna,
Gözüm diksem bir bichäre sülgüne,
Ýa bir kishiñ degjek bolsam göwnüne,
Sesiñ gelýär:"Ölcherdiñmi, han ogul?.."

Käte-de buýsanyp ýönekeý zada,
Gomparyp, özgäni salmasam ýada,
Özümi iñ güýchli saýsam dünýäde,
Sesiñ gelýär:"Ölcherdiñmi, han ogul?.."

Bir chaka barsa-da ömrümiñ saly,
Mydam küýsäp gezýärin shol sowaly,
Meni müñ beladan gorary ýaly,
Sesiñ gelsin:"Ölcherdiñmi, han ogul?.."