7-nji bap: Hally galtaman. Kesearkaç, Mämmet Seýidow
HALLY GALTAMAN
Garamergen oba gaýdyp gelende, arzuw edişi ýaly bolmasa-da şoňa ýakynrak bolupdy. Ol ýesiri atyna mündürip, aýaklaryny aşagyndan daňypdy. Atyny öz atynyň yzyna tirkäpdi. Özem ähli ýigitleriň öňüne düşüp gelipdi. Ol Küýkiniň üstünde uly ýeňiş bilen gelýän serkerde ýaly gaýşaryp otyrdy. Oba adamlary uludan-kiçä ylgaşyp öýden çykdylar. Çopantelpek gülleri ýaly kelleleri şyrdaklyja çagalar şapadaňlaşyp has-da keýp edýärdiler. Hemme kişiniň dilin-de, hemme kişiniň gözünde Garamergendi. Märeke nökerleri gapdallap barýardy. Ýigitler Iner golagyň öýüne sowlandan soň, märeke olardan galdy.
Iner golak howanyň maýyllygyna garamazdan göwşüllän Hywa donuny ýasgynjak atynyp, gapa çykdy. Onuň ýanynda Şally baý, Nurahmet serdar, Ýolaman bardy. Ýigitler atdan agdylar. Obanyň iň ýaşulusy Nurahmet serdar bilen, Iner golak bilen, soňra beýlekiler bilen salamlaşdylar. Şol arada Garamergen ýesiri atdan düşürdi. Ony ýaşulularyň öňüne getirip, ýeňsesinden batly itekledi. Ýesir ýaşulularyň aýagynyň aşagyna ýykyldy.
Obanyň ýaşulusy diýip, Iner golak hasap edilýärdi. Bütin oba şoňa gulak asýardy. Galtamanlar hakyndaky habaryň ilki şu öýe gelmegi hem, maslahatyň şu öýde edilmegi hem, ýigitleriň ýesiri şu öýe getirilip, ýaşulularyň aýaklarynyň astyna ýykmaklaram şonuň üçindi. Iner golak aýagynyň astynda maňlaýyny ýer berip ýatan galtamana sesini çykarman ep-esli wagt seredip durdy. Soňra aýagy bilen itekledi.
— Hany tur, ýeriňden — diýip, özüniň ýuwaş güňleç sesi bilen aýtdy. Ýüzüne öliniň reňki uran Haly beg ýüzüni ýokaryk galdyrdy-da:
— Hä — diýip, ker bilen gepleşýän ýaly gygyrdy. Iner golak başyny atyp: — Ýeriňden tur diýýän, howwa — diýdi.
Haly beg ýerinden turdy. Iner golagam, onuň ýanyndakylaram daşyndaky tomaşaçylaram galtamanyň boýuny gözleri bilen ölçeýän ýaly synladylar.
— Nireden borsuň?— diýip, Iner golak ýene-de gysgajyk sorag berdi.
— Hyratdan, agasy, Hyrat türkmenlerinden.
— Eneň-ataň barmy?
— Ýok, agasy. Iki sanyjak naçar jigim bardy. Olaram...
— Galtamanlyga nähili baş goşup ýörsüň?
— Ol uly gürruň agasy. Eger aýt diýseňiz, size jikme-jik gürrüň bereýin.
— Geregi ýok. Soň aýdarsyň, howwa — diýip, Iner golak elini salgap goýberdi. — Äkit, Garamergen, soň özüň gürleşersiň.
— Ýör hany — diýip, Garamergen onuň ýeňsesinden itekläp alyp gitdi.
Romanyň dowamyny isleýärsiňizmi?
Hawa, elbetde!(83%, 5 adam)
Ýok, gerek däl!(16%, 1 adam)
Arşivin durumu
● Tam metin
● 36/36 yorum korunmuş
Yayımlandığı site: ertir.com · Kaynak: Web Archive kopyası — ertir.com, 8 Mayıs 2012 · Orijinal sayfayı gör ↗
Yorumlar 36
sagja bol dostum
Dos t Keseargac kitabynyn hemmesimi? gaty az gorunyalay?
Salam dost! Ýok, bu entek kitabyň soňy däl. Men ýokarda-da aýdypdym.
(Zehinli ýazyjy Mämmet Seýidowyň Kesearkaç romanynyň 7-nji Hally galtaman atly babynyň soňy.)
Men diňe 7-nji babynyň soňy diýip aýtjak bolupdym. Aslyn-da, kitabyň özi 27 bapdan durýar. Ep-esli, eliňe agram berýän kitap.
O-how Blackrain dost! Barmysyňyz? Gowumy ýagdaýlar? Hawa, menem geldim. Aý, işim juda köp boldy. Bärik gelmäge halys el degmedi. Indi, nesip bolsa, ýygy-ýygydan görner durarys. Kesearkaç romanyny hem doly tamamladym. Nesip bolsa, az-azdan bärik ýerleşdirmekçi. Okarsyňyzda.
Hemmesini goymakcymy?
Kesearkaç gaty gyzykly kitap bolmaly, ýöne kitabyñ soñy pajygaly gutaraýýarda... Shol kitapda AHALYÑ obrazy hasam ýerine düshüpdir!
Nesip bolsa, dost! Hemmesi hem taýyn indi. Men bu ugurda tutuş bir ýyl iş edindim. Tutuş kitaby ýekän-ýekän göçürip çykdym. Hezil edip okasyňyz, zähmetimiň ýerine düşdigidir.
Okap göreniňiz bildirýär. Berekella! Soňy dagy agladýar.
Hemmesini goysan, hezil bn okardym.🙂
Eseri sypdyrman okaýanyňyz üçin minnetdar, Mähek gyz! Men gynanybam durmazdym welin, hiç hili goldaýjy teswir beýleki ýazylmansoň, azajygam bolsa, zeýrenmeli bolaýýan-da. Siziň okajakdygyňyzy-ha öňlerem aňýardym. Mälim edeniňiz gowy bolaýdy.
Siziň pikiriňizçe, men indi haýsy eseri göçürip, bärik ýerleşdirsem gowy bolar?
Öňki ýazanlarymy okadyňmy? Ýagny, kitabyň başyny okadyňmy? Meniň ozalky ýazan mowzuklarymda bardyr.
yok, entek okamadym, hemmesini biole okamakchy. printirden chykaryp. Kompda men okap bilemok.
Sawyer! Siz ýazyjy Ýazmyrat Mämmediniñ $apak romanyny okap gördüñizmi, sholam shular ýaly gaty gyzykly kitap bolmaly. Saragt urshy barada. Eger ýazmakçy bolsañyz shol kitabam gyzyklanyp görüñ!
Ýok, Ýegen dost, men bu kitaby okap görmändim. Emma ýazyjy Atajan Taganyň Saragt galasy kitabyny welin gyzyklanyp, höwes bilen mekdep döwürlerim okapdym.
Men häzir başga bir kitabyň üstünde işleýärin. Häzir doly taýýar bolmansoň, adyny aýdyp oturmaýyn.
Atajan Taganyn Saragt galasyny okapdym Sawyer! Olam gyzykly kitap, esasy gahrymanlary Gurban bilen Karkara bolmaly. Mademin hanyn saragta çozup, sonam yenlishi hakda, shonda shol Gurban diyen oglanyn Mademin hanyn kellesini alshy hakynda, Turkmenin shol wagtky yashayysh durmushy hakda gaty gyzykly kitap bolmaly!
Dogry aýdýaň, Ýegen! Atajan Taganyň Saragt galasy kitabynda Gowşut han, Hojamşükür han, Täçgök serdar, Kelhan kepele ýaly şahsyýetlere uly orun berlipdir.