rubagylar

Gyz görse gowşabir ýigidiň dözi,
Dil ýarsa ýanybir şahyryň sözi.
Aty ýok türkmeniň ýok ýaly özem,
At görse ýanybir türkmeniň gözi.
===
Saçak üçin yrsgal zerur nandan öň,
Hasyl üçin nagt zerur sandan öň.
Adam üçin bar zatdan öň il zerur,
Ärler üçin Watan zerur jandan öň.

Bu günki näsazlyk – ertir bolsa saz,
Bu günki maýlan gyş – ertir eýýäm ýaz.
Bilesigeljilik çäksiz adamda,
 Bu günki bileniň ertir üçin az.

sagja bol dostum🙂

Semiz bolsaň ýalta bolman bilmersiň,
Dykyz etli halta bolman bilmersiň.
Ilden bidin il başyna geçdigiň,
Ile urlan palta bolman bilmersiň.

Bet eken!

Ary iýmez, iýdirer gül balyny,
Jan gönener ýakdykça yşk ýalyny.Möjek it bor datsa it ýalyny,
Tezek datsa bürgüt garga öwrüler.
şeylerak bolsa birhili gelişayjek yaly...ya men göwnümemi?!

“Buýruk” aga, ertämizde görüň bar,
Möhür – golly kagyza baý törüň bar.
Seniň ygtyýaryňdaka barça zat.
Edebiýatdyr sungatda nä körüň bar?

bu rubagylar paýzy orazyňky. 

Býurokratyň käri – boş gep gaýyrmak,
Dogruçyly töhmet bilen maýyrmak.
Oň pişesi – ütmek ili, milleti,
Işiň kyny – ony işden aýyrmak.

Gyş bolup görner ýarsyz töre ýaz,
Erkini aldyrmaz ýeke tara saz.
Halkyň agzybirliginde keramat,
Halk belasy – milletçidir tirebaz.

Bar zat maňa:”Gepleşeli gel!” diýdi.
Bir gül:”Gyz men, ötdüm degmän el!” diýdi.
Bir çöp diýdi:” Heleýdim men biwepa!”,
Köne tamdyr:”Gel ýuwlugym, gel!” diýdi,

Köli – derýa, derýany çaý – sil dograr.
Hasyly – ýer, ýeri kätmen – pil dograr.
Akyl – ylmy, ylym dograr akyly,
Ýolbaşçyny döwür, durmuş, il dograr.

Ganat guşa hem –de göwne gerek,
Uçurmaz ol bolmasa per-perekli.
Güýçsiz erkek , näzsiz aýal – biderek.
Erkek güýçde aýal näzde derekli.