Üç ýoldaş (türkmen halk ertekisi)
Bir bar eken, bir ýok
eken, gadym zamanda bir obada bir ökde awçy bar eken. Ol bir gün okuny-ýaragyny
guratlap, awa ugrapdyr. Gidip barýarka, onuň öňünden bir tanşy çykyp:
— Nirä barýaň? — diýip
sorapdyr. Awçy hem:
—
Awa — diýip jogap beripdir. Onda ol adam:
—
Menem äkit — diýýär.
Awçy oňa:
— Awdan başyň çykanok,
ýaragyň ýok,
diňe ýük bolarsyň
— diýýär.
Onda ol adam:
— Zyýanym degmez, «Birden
iki ýagşy» diýipdirler. Juda bolmanda
tüpeňiňi götererin, ýoldaş bolaryn — diýýär.
Onda awçy:
— Aý, bolýar-da — diýip, onam awa şärik edip äkidýär.
Olar gidip barýarkalar,
öňlerinden bir düýe çopan çykýar. Ol çopan olar bilen salamlaşandan soň:
— Awa gitseňiz, menem
äkidiň, meniňem zyýanym degmez — diýýär.
Onda awçy:
— Bolýar, senem ýör, ikiden üç ýagşy — diýipdir. Olar üç bolup
baryşlaryna ahyry bir çöllüge barýarlar. Şol ýerde düşläp, dem-dynçlaryny
alýarlar. Onsoň ýaňky düýe çopan:
Arşivin durumu
● Tam metin
● 10/10 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 28 Temmuz 2012 · Orijinal sayfayı gör ↗
Yorumlar 10
— Biz bir söý bilen
ýoldaş bolduk. Indi kimiň nähili hünäriniň bardygyny hem bileliň — diýýär.
Olar muny makul bilýärler. Ilki bilen awçy:
— Meniň hünärim awçylyk,
bir okumda birin-ä
däl, onusyny birden ýatyrýaryn — diýýär.
Onda ilki duşan nätanyş adam:
— Men başa düşen belany
ok, ýarag bilen däl-de, hile bilen gaýtarýaryn — diýýär.
Onda çopan:
— Meniň-ä hünärim siziňkä
meňzeş däl. Özümem şeýle bir äwmezek, asyl üstüme ýagy çozaýsa-da, azaryma-da bolmaz —
diýýär.
Onda mergeniň gahary
gelip:
— Siziň ikiňiziňem hünäriňiziň bu çola meýdanda
hiç hili geregi ýok. Men sizi nähak ýere ýoldaş edinip getiripdirin — diýip
ökünýär.
Onda beýleki ikisi:
— Beý diýmäweri, mergen
aga, uly gep adamyny har eder. Biziň saňa
asyl zyýanymyz degmez. Onsoňam her hili hünär bolanda-da, onuň zeleli bolmaz —
diýýärler.
Şunlukda, olar razylaşyp,
aw yzarlamaga gidipdirler. Gezip ýörkäler, olara iki sany keýik sataşýar.
Mergen ony nazarlap ugranda, bir görseler, beýle ýanlaryndan bir topar ýol
urup ýören garakçylar haýdaşyp ýetip gelýär. Mergen näderini bilmän, aljyrap
ugraýar. Emma çopanyň azaryna-da bolman, giň göwrümlilik bilen:
¾ Gorkmaň — diýip, maslahat berip, arkaýyn çörek
iýmäge oturýar. Onsoň mergen:
— Hany, ýakynrak bir
geliň bakaly — diýip, hyrlynyň nilini garakçylara tarap öwürýär. Garakçylar
ýakyn geliberende, bir sapar atypdyr welin, garakçylaryň onusy birden atdan
ýykylypdyr. Garakçylar birbada serpikýärler. Şol wagt hälki: «Hile bilen
ýagyny gaýtararyn» diýýän adam garakçylara eşitdirip, gaty sesi bilen:
— Aý, sen-ä oňarmadyň, her okuňda on
sanjagyny ýatyryp, näme oky ýerden tapýarmyň? Hany, äkel maňa tüpeňi, bir okumda
ählisini birden gyşartmasam, mergen bolmadygym — diýip, ýoldaşyna käýinen
bolupdyr.
Bu gürrüňi eşidip duran
garakçylar:
— Baý-baý-ow, bir belanyň
üstünden gelen ekenik, derrew dolanaweräliň. Olaryň zadam gerek däl, özem. Bir
okda barymyzy ýatyrmanyň gürrüňini edýärler. Bizden birjigem çekinenok,
bular. Aýagyny uzadyp arkaýyn
çörek iýip otyrana näme diýjek? Eger şol dagy ýerinden gozganaýsa, tomaşany onsoň gör.Belki ol, bir okda biziň barymyzy
tükgerder. Gaçalyň mundan — diýşip, ökjäni göterýärler. Garakçylar gidensoň
çopan:
— Eşitdiňmi, mergen aga,
olaň diýýänini? Sendenem-ä çekinseler çekinipdirler welin, onuň haýbatyndan, meniňem alňasaman giň göwrümli bolup
oturşymdanam-a az gorkmadylar — diýýär.
Şeýdip, olar birigip, uly ýagyny
gaçyryp, awlaryny awlap yzlaryna gaýdypdyrlar.
Bäh, ozal okamandym bu ertekini. Sag bol paýlaşanyňa!
Hile-de bir batyrlykdyr ýerinde diýýär.
Kop erteki okap görupdum,yöne buna birinji gezek okayan sag bol paylasanyna. Adamlara hicem gowni yetmezcilik etmeli dal.
Köp sag boluň.
👍
Gowy ertekileri paylasyanynyz ucin kop sag bolun.
Dogry gyzykly hem manyly erteki ekeni muna okadymow
nadip edip oz basyny coramalyda bu dunyade.erteki gyzyklyja eken.
Tuweleme tuweleme!
Öran yagshy )))