"GAZ 51-m" we "Traktory poslamasyn"
Biz çagakak birhili täsin aýdymlar bardy. "Traktory poslamasyn, Gördüm, Jennet jany gördüm". Ýa-da "GAZ 51-m" diýip bir aýdym bardy. Indi ol aýdymlary goýberenoklar. Mümkin arhiwde bardyr. Efire goýberilmeýäniniň sebäbi ol aýdymlaryň sözleri köneldi, häzir gülkünç eşidiljek. Ýogsa, olaryň sazy we ýakymy häzirkileriňkiden birjigem kem däl.
Kerim Gurbannepesowyň "Türkmeniň" diýip bir goşgusy bolmaly. Ony aýdym edip, köplenç Sahy Jepbarow aýdýar. Goşgynyň bir setirinde "On ýedidir doglan ýyly türkmeniň" diýilýär. On ýedi diýýäni 1917-nji ýyl. Oktýabr rewolýusiýasyndan soň orsýetde häkimiýet bolşewikleriň eline geçipdi. Garaşsyzlyk ýyllarynda bu setir ähmiýetini ýitirdi, milli syýasatymyza ters geldi, şol sebäpli ony üýtgetdiler we seýregem bolsa häzirki döwürde efire berilýär.
Birki günlükde "Owazda" Şaguly Allaberdiýewiň ýerine ýetirmeginde "Gabanýan" diýip bir aýdymy eşitdirdiler. Bu aýdymyň bir setiri hiç hili maňzyma batmady. Anyk ýadyma düşenok welin, "Hatda seni Hudaýdanam gabanýan" diýen ýaly sözler bar. Bu aýdymyň sözlerini kim ýazdyka? Jähennem, kim ýazsa, şol ýazsyn, ýöne redaktorlar muňa seretmän nirä seredýärler?
Ýene-de rap aýdymlary bar. Özüm-ä rap diňläp ýöremok, ýöne diňlänlerimiň tas hemmesiniň diýen ýaly sözleri göwnüme ýakmady. Edil suw gysymlan ýaly. Beýleki estrada aýdymlarymyz hem suwjuk, manysyz sözlerden halas däl.
Umuman diýjek bolýanym, häzirkizaman türkmen aýdymlarynyň aglabasynyň sözlerinden göwnüm suw içenok. Gowy aýdymy oňat heň, owaz, dinamika bezeýär, ýöne gowy aýdymda gunt ýaly, manyly-maňyzly sözleriň hem bolmagy şert! Sazyny Nury Halmämmet ýazanda näme, sözleri şama-şaýyrdy bolsa, ondanam bir aýdym bormy?
Aýdym-saz sungatymyzy ösdürmek üçin aýdymlaryň tekstine seretmek wajyp zatlaryň birimikä diýýän.
Pikirleriňiz!
Arşivin durumu
● Tam metin
● 31/31 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 21 Mayıs 2012 · Orijinal sayfayı gör ↗
Yorumlar 31
Bu ýeňles aýdymlar kalby suwarmaz,
Oýnaşardan has edepli jahanda.
Olar daýhan bilen ak bugdaý ormaz,
Köşeşdirmez şowsuzlyklar ýakanda.
Sörtük deý ýakymsyz hem göwnüýarym
Aýdymdan guş sesi ýakyndyr köňle.
Aýdymçy, men saňa ynanmaýaryn,
Goý, sen zarynlaber, söýýän diý, iňle.
Seleňligi, rahatlygy söýüne,
Togap edip tolkunşyny maýsanyň,
Agşam dolanamda toý dek öýüme
Ýeňles aýdym däldir meniň küýsänim.
Ýa-da durmuşyňa guwanyp, ine,
Otyrkaň köňlüň çag, ýüregiň gorly,
Goşulyşyp akar suwuň sesine,
Diliňe gelmese, aýdym bolarmy?!
Öz ýakyn zadyndan göwünler ürkmez,
Bir günä bolandyr gatasa ýeňse.
Heý, çydap bilermi aýdymhon türkmen
Aýdym adamlaryň göwnüne degse.
Mydam gezjek bolup aýdym sanynda
Gülse, çygylsa-da ýalaňaç heňler,
Bu çynlakaý adamlaryň ýanynda
Güýmenje barynyň hallary teňdir.
Awtory Mämmetnazar Babanazarow.
Kab dost tüweleme saňa hormat goýýan gowy zatlar ýazypsyň .
Şu ýerde mümkin bolsa menem bir zat belläp geçesim gelýär Häzirkizaman bagşy Döwran Zamanowyň bir gowy aýdymy bar saza meňzär diýip gaty gowy aýdym menä gowy görýän ýöne gyzy taryp edende sözünde:
Jennet görüp ýasalgan
Seniň gara gözüňden diýýär welin menä diňlemägede gorkýan şahyr şo zatlara üns bermedimikä ýa men ýalňyşyrak düşünýänmikäm
@Gudrat! Biziňkiler bir zady taryp edende köplenç ýerden aýagyny üzýärler. Seresap bolmaly zatlar bar.
Tüweleme goşgynam ylaýyklap tapypsyňaý belki goşgyny okap tema ýazansyň.
Ondaňam Replerden derek ýoklaý daşary ýurtlaň repleriniňem sözleri şeýle biderekmikäraý menä düşünmämsoň bilemok
Sag bol sunuñ yaly hakyky tema acylsada. Menem su häzirki zamanyñ manysyz aydymlaryndan yadadym.
Türkiýede-de rap aýdýan bagşylar barmy? Bar bolsa, olaryň sözi nähilikä?
Nury Halmamedow yaly kompozitor dagy indi dünyä inermikä? Onuñ düzen sazlaryny diñläp doyup bolanok: Artyk-Ayna kinosyndaky saz hemisede gulagymdan gidenok.
@Kerki, şol kinoň sözlerini suwjuk, ýeňil, gümp-samp, manysyz tekst bilen çalşyryp görseň, nähili bolar? Ähmiýeti peseler gerek?
Soňky döwür hakykatdanam gaty laýygyna düşen aýdyma duşmak kyn. Gowy aýdym eken diýip diňläp ýörsüň welin ýa özbek, ýa türk, ýa-da hindi aýdymynyň sazy bolup çykaýýar. Onsoň käwagt şeýle pikir edýän. Indi aýdymyňdyr, sazlaňam soňuna ýetip barýamykak. Köne aýdymlar hakda aýdylsa Mäne Garaýewiň Gadymy daglaryň rowaýaty kinofilmindäki Dünýä Heý aýdymyny tapyp bilmedim. Şol kinodaky aýdýan ýazgysyny gözledim.
men-ä dutarda klassiklerden, dessanlardan aýdylýan aýdymlary diňleýän. käbir sözleri hiç ýdyňdan çykanok.
mysal üçin «Ryswaýy jahan boldum» diýýär bir aýdymda.
Sungat derejesinde nädip «Äleme masgara boldum» diýmegiň mysalyny berýär.
Bir türk oglany tanaýan, «Sen bilmeseň meniň derdim kim biler?» diýip aýdyma hiňlenip ýörýädi.
Emma «...............................» ýaly aýdymlaryň adamlara gowy tarapdan täsir edýändigine ynanamok.
sazyny ogurlap aydymyn aytyan
jiwoy ayt diyseler sen toydan gaytyan
puluny alan son name uchin beytyan?
Kellesi pañkelle tupoy bagshy sen
shu goshgyny aydymdan aldym,dinlap goreniniz bamy,akkardeonda aytya byr maryly bagshy.Ana,jany yanyp aydylan bagshy..Hatda,At gazananmydyr,halk artist sumaklar (Annush bashlyklayyn) sholaram darma saz gozlap,yuwan samsyk-sumsuk tekstlar bilen gaysharyshyp yorler..Hi-de munun sony gelmezmi?
Dogurdanam soňky aýdymlaram,
aýdymčylaram birhili čybyn ýaly jiňňillešip durlar.kim gören bolsa bilýändir mtvde amerikan idol diýen programmany.šol ýerde 3 sany sudýaň aýdymčy
saýlašy bn biziň aýdymčy
saýlašymyz ýer bn gök ýaly.šu döwürdä aýdym
aýdyp bilýänem aýytjak
aýdyp bilmeýänem.esasanam aýdýan zatlarynda ne many bar nede mazmun.
dine 2 sany sözü 5-6 sapar gaýtalamaly i wessalam iš tamam.
Dogurdanam soňky aýdymlaram,
aýdymčylaram birhili čybyn ýaly jiňňillešip durlar.kim gören bolsa bilýändir mtvde amerikan idol diýen programmany.šol ýerde 3 sany sudýaň aýdymčy
saýlašy bn biziň aýdymčy
saýlašymyz ýer bn gök ýaly.šu döwürdä aýdym
aýdyp bilýänem aýytjak
aýdyp bilmeýänem.esasanam aýdýan zatlarynda ne many bar nede mazmun.
dine 2 sany sözü 5-6 sapar gaýtalamaly i wessalam iš tamam.
american idol elekden geçiryärow.
gaty yerlikli tema. Kone, halk aydymlarymyzy hem estrada aydymlarymyzy hem dinlediginche doyup bolanok. Bizde name kompazitorlarymyz yaltanyamy/ka onat aydym doretmage ya/da name un gul yaly sazlara bi derek goshgular goyyalar/ka. Onsanam, atly bagshylarymyz hem utanmayalar/ka ogurlyk sazlara aydym doredip. Ya/da hazirkizaman dowrebap yashlar/biz sheyle aydymlary dinlemek bn lezzet/isleglerimiz sheyle yontem/yuwalmy/ka?
//Shemal bolup dolayyn otagyng ichin,
Kirpiklerim bn darayyn sachyn
Seng uchin, dine Seng uchin//
(Kone estrada aydymdan) Shu we sheyle aydymlaryng ne sazynda ne sozunde ogurlyk, suwjyklyk yokmuka diyyan.
merhum Owezgeldi Tekayewing //Kommunizm sayasynda // diyen aydymyny dinlap goreniniz barmy?
merhum Owezgeldi Tekayewing //Kommunizm sayasynda // diyen aydymyny dinlap goreniniz barmy?
ogurlyk sazlara aydym doretmek sonky dowur GDA dowletlerinin ahlisine nysak bolupdyr. Meninche gazaklar we gyrgyzlar ogurlyk sazlara aydym doredyan milletmikaa diyyan, Yone ol aydymlary hem milletin gazak bolaymasa lezzet aljak gumanyng yok.