Бир Атаң ики оглы.

Бир вагт бир адамың ики саны оглы
бар экени. Ол адам өлмәнкә, ики оглуны янына чагырып:

  
-Эй, огулларым! Мен дири вагтым өз мүлкүми сизе бөлүп берҗек-диййәр.
Огланлар какасының бөлмегине разы болярлар. Шонда ол адам улы оглуна улы багы
бар экени, шоны берйәр. Кичи оглуна мүлк ери бар экени, шоны берйәр. Ики
оглуның хакыны берип, ол адам:

  
-Эй, огулларым! Мениң сизден ики хайышым бар. Шоны өленимден соң
эдиң-диййәр ве:

  
-Мен өленимден соң мени пылан ерде җайлаң! 2-нҗиси хер йыл алан
хасылыңыздан өзүңиз иймән, хасыл алан гүнүңиз 10-дан бирини, Алланың хакыны
бериң. Шу ики шертими этсеңиз, Алла берекетиңизе берекет гошар-диййәр. Кән вагт
гечмәнкә, бу адам арадан чыкяр. Огуллары муны айдышы ялы диен еринде
җайлаярлар. 1-йыл геченсоң, буларың хасылы етишип, берекетли топракдан кән
хасыл алярлар. Улы оглы багларындакы мивелери алып базарда сатып, мунуң пулуна
гызып, Алланың хакыны бермән, атасының весъетини унудяр. Кичи оглы шол экен
экининиң 10-дан бирини, Алланың хакыны берйәр. Ол еринде битен экининиң 10-дан
бирини хүшүр дүшйән ере бермек үчин, бир ай вагтыны сарп эдйәр. Өз хакыны алып,
өйүне гетирйәнчә, гыш дүшүп, совук гелйәр. Агасы инисине:

  
-Сен өйде бейдип отурма-да, бендиң угруна чык-диййәр. Бент диени булар
даг еринде яшансоңлар, сил сувы экини заяламаз ялы, силиң өңүне бент ясаян
экенлер. Иниси:

  
-Мен Алланың хакыны берҗек болуп, бир ай гиҗә галдым. Инди-де совук
гелди. Бу совукда бент гуруп болмаз. Мен Алланың такдырына разы болҗак-диййәр.
Агасы:

<SPAN style='font-size:12.0pt;font-family:"Times New Roman","serif";mso-fareast-font-family:
"Times New Roman";mso-ansi-language:RU;mso-fareast-language:RU;mso-bidi-language:
AR-SA'>-Мен саңа шол вагт хүшүриңи соң
берибер, бент гур дийдим. Этмедиң. Инди сил гелсе, экиниңи дәл, җайыңам алып
гидер-диййәр. Яза голай вагты хова майлап, гарлар эрәп, сувлар җошуп, сил
гелйәр. Бу сил өңки йыллардакыдан хас гүйчли гелип, бүтин обаны харап эдйәр.
Баглары, җайлары заялаяр. Яз вагты кичи огланың экин мейданы гөк өвсүп, гавун-гарпызы
дүвүп, бир энайы болуп өсйәр. Чүнки онуң өйүни сил йыканда, язда йыгнан чигит
тохумларыны Алла онуң экин мейданына сил билен экип суварды. Эмма агасының багы
омрулып, гурап галды. Агасы гаты өкүнди, эмма гичди. Ине, эзиз доганлар! Шонуң
ялы бизем экен экинлеримизиң хүшүр-зекадыны бермесек, бизиңем экинлеримизден
Алла Тагала берекети айырар. Онуң үчин Алла Тагаланың хакы болан
хүшүр-зекатыңызы гысганмаң! Бериң!