Biziñki hakykatdanam söýgümi ya-da ... ?!

Mowzuguñ adyny ýazamda, meñki ýerine biziñki sözüni ulandym. Munuñ sebäbi bolsa, menden başgada, öz söýgüsünden müñkür bolanlar bardyr belki diýdim. Borda men asyl mowzugma geçeýin. ( Ýazjak zatlarym hakykatdanam öz başdan geçirmämdir).

Men orta okuwy şäherden 40-50 km uzakda obada okadym. Bilenler bilýändirler obadaky ýaşaýyş ýagdaýynyñ nähilidigni. Söýüşmek diýen zat hem kyn zatlaryñ hataryndadyr. Birem biziñ obamyzda söýen gyzyñ bilen aragatnaşykda bolmak üçin öý telefony diýlen zat ýok diýen ýaly, biziñ okaýan wagtlarmyzda bolsa jübü telefony hiç ýokdy. Ýagdaýlar şeýle bolsada ýenede oba oglanlary, biz söýüşerdik we aragatnaşykda bolmañ ýollaryny tapardyk.

Men söýgi diýlen zat bilen ilkinji gezek bäşinji synpda tanyşypdym. Meñ bilşime görä oba oglanlarynyñ köpüsi söýen gyzlary bilen toýlarda tanyşýarlar. Meniñki hem şeýle bolupdy. Tomus günleridi, bir goñşy oglan öýlenýärdi. Toýa gelen myhman gyzlardan biri meñ ünsümi özüne çekipdi we toý gutarmanka ýagdaýyny tapyp bir el ýaly kagyza uly haryplar bilen " SENI SÖÝÝÄN!" diýip ýazyp gyza berdim. Haty alansoñ joralary bilen öýe girdi. Käm wagt geçmänkä çykyp geldiler we öz berenje kagyzymy yzyna berdi. Kagyzyñ arka ýüzüne olam "MENEM SENI SÖÝÝÄN!" diýip ýazan eken. Belki size gülkünjiräk gelýän bolmagy ahmal. Şeýdip söýşüp başladyk. Intäk kiçijek bolsakda bu söýgümiz iki ýyl sürdü. Ýöne soñy hem başlaýşy ýaly boldy.

Birinji söýgümiñ ikinji ýyly ýañy dolupdy welin gözüm başga bir Jeren diýen gyzy görüp ony halap başladym. Şeýlelik bilen ikinji bir gyzy söýüp başladym, ýöne bu gezek söýgümi kabul etdirmek añsat bolmady. Jeren şol bir wagtyñ özünde meñ synpdaş gyzymdy we bular synpda 6 joradylar. Jerene söýgümi kabul etdirmek gün günden kynlaşýardy. Meger meñ bilmedigim başga bir zat bar ekeni, Jereniñ joralaryndan biri meni halaýar ekeni ýöne maña belli etmän gezip ýör ekeni. Gepiñ gysgasy Jeren meni ýa-da jorasyny seçmeli bolupdyr we jorasynyñ göwnüne degmejek bolup meñ söýgümi kabul etmändir. Munuñ beýledigni atestat toýyny bellänimizde bilip galdym.

Günleriñ birinde meñ söýgüme böwet bolan gyz bilen ikiçäk bolma pursadym boldy. Hiç zatdan habarsyz bolan bolup pursatdan peýdalanyp bu gyzada söýýändigmi aýytdym. Bizde "Suwa meýilli gurbaga ýaly." diýen bir söz bardyr şonuñ ýaly olam meñ söýgümi kabul etdi. $eýdip bu gyz bilen balda şeker bolup söýşüp başladym. Ýöne söýgümiz uzak sürmedi diñe okuwa gaýytýançam dowam etdi, munuñ üçin nehä özümi nede ol gyzy günäleýän. $ondan soñ özüme gaýdayp başga birini söýjek däl diýip söz beripdim we intägem sözümde durmana gaýrat etýän.

Diýjek bolýanym söýgi diýlen zat maña oýunjak ýaly bolup görünýär. Belkide men söýmäni bilemok ýa-da hakykatdanam söýen gyzyma gabat gelmedim!