Ýa Resul.
Bu meniň janym seniň ýoluňda gurban, ýa Resul,
Her ne kim kylsaň jepa bu jana derman, ýa Resul,
Söýübän, bar eýlemişdir seni Rahman, ýa Resul,
Gullugyňda intizardyr uşbu jahan, ýa Resul,
Ol azap ennaryndan bolmuş Seniň ýoluň ýyrag,
Özüňni kylmyş Huda ferdöwsi-agla hem Byrag,
Sen ki geldiň dünýäýe, bu äleme ýandy çyrag,
Şükürylla, tä beýany boldy jahan, ýa Resul.
Dert ile bu ýüregim her lahza ah kyldy niçe,
Ahymyň dermany owwal Abdylla, Weýsel hoja,
Her zaman mahy-jemalyň düýşüme girmez gije,
Galar ol bu munça kim janymda arman, ýa Resul.
Zary ýyglaýuban hem isteýedir men Seni,
Bu zelillik içre Sen köp goýmagyl hara meni,
Hem ýene mizan çekilip, ola magşaryň güni,
Köp ynanjym Sen durar Sen, uly diwan, ýa Resul.
Aşyga hüw!-hüw! diýip bolgusy magryfet güli,
Bu zelil biçäräniň, belki Saňa ýeter eli,
Ahu efganyň Seniň kim, ýat edip Magtymguly,
Gam içinde şeýle bir bimaru haýran, ýa Resul.
Magtymguly.
Arşivin durumu
● Tam metin
● 24/24 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 30 Temmuz 2012 · Orijinal sayfayı gör ↗
Yorumlar 24
Makaladan käbir bellikler.
1. Alymlar Mary,Lebap we Balkan welaýatlarynda ýörite ylmy iş saparlaryny gurnady we birnäçe gymmatly golýazmalaryň üstünden baryldy.
2.Ýylyň birinji ýarymynda ele salan we halk tarapyndan getirilen milli mirasymyza degişli eserleriň sany 64-e ýetdi. olaryň 26-si golýazma, 27-si seýrek gabat gelýän daşbasma, 6-si golýazmanyň surat nusgasy, 5-si bolsa irki neşir kitaplardyr.
3. Olaryň arasynda Magtymgulynyň 4 sany goşgysy, Seýdiniň we Zeliliniň hem birnäçe täze şygry, Kurawşy ady bilen seýrek duş gelýän şahyryň goşgylar ýygyndysy gabat geldi.
Magtymgulynyn GOSHGYLARY gaty manyly. Kabir sozlerine kop adamyn akly hem yetenok. Shol sanda menin hem dvshvnmeyan setirlerim hem bar.
Käbir adamlar köne gowaklardan golýazmalar tapypdyr diýip eşitýärin, ýöne şeýle golýazmalar tapanlaryň käbiri dürli maksatlar bilen şol golýazmalary ylym institutlara ýa-da degişli edaralara gowşurmakdan saklanýar. Aslynda golýazmalaryň degişli edaralara bermegiň hukuk we beýleki kadalaryny bilýän bar bolsa paýlaşsa gowy boljak. Sebäbi kim bilýär nije gymmatly golýazmalar käbirleriniň elinde, -olja almak ýada şunyň ýaly sebäplerden ötüri gün ýüzüne çykman ýatyr.
Berekella mirasymyz!