Gelejege ýüzlenme!

Enigma· 5 Ağustos 2011 08:24 · 491 kez okundu· beğeni: 24teswirler.com

Kömek et sen maña, ýalñyşmaýyn men,
Öz edýän işimden asla irmäýin.
Eger ýatan bolsam ir oýanaýyn
Hem açyk gapyny döwüp girmäýin.
Kömek et sen bitirmedik işimi
Çäksiz bagtdyr öýdüp düşmäýin derde.
Ýardam et maña sen, hukuk ber maña,
Ýok şöhraty edinmäýin men perde.
Kalbymda göterip ezizlemedik
Şygrymy kagyza geçirmezlige.
Diwar saldym diýip öwünmek üçin
Ilin çapan daşyn getirmezlige.
Bimamla mahalym mamla bolmaýyn,
Bu ýerde gerek däl günä geçilme.
Men baky minnetdar bolaryn sana,
Ykbal haýra teşneligi eçilse.

Kömek et sen,
Aldamaýyn göwnümi.
Kömek et sen,
Çyn ýaşaýyn ömrümi.

Ermeni şahyry Geworg EMIN

Arşivin durumu

● Tam metin

● 15/15 yorum korunmuş

Yayımlandığı site: teswirler.com · Kaynak: Web Archive kopyası — ertir.com, 10 Mayıs 2012 · Orijinal sayfayı gör ↗

Yorumlar 15

Enigma 5 Ağustos 2011 08:26 +15

Ogluma!

Men seni nähili söýýärdim, oglum!
Öñ seni nähili söýýärdim, oglum…
Söýgimiñ baryny aýdaýyn nadip?
Nämeler etmedim, düşüp dyzymdan
Yöremegiñ üçin meniñ yzymdan.
Näzijek ellerñe almagyñ üçin
Saña sowgat uzadylan pökgini,
Öwrenmegiñ üçin kitap-depderi,
Öwretmegiñ üçin şu güni, düýni…
Basymrak ýetsediñ meniñ deñime,
Ilki bilen deñleşsediñ
Meniñ saña uzadýan elime,
Meniñ sowgatlamma, mährime çenli.
Soñra deñleşsedin ýüregim bilen,
Paýlaşsadyñ sen
Söýgimi, ýigrenji, gaýgy-gussany,
Paýlaşsadyñ geljek zady, geçenni…
Onsoñ bu dünýäde köp zady gören,
Ýetersiñ sen gözlerimiñ ýanyna,
Soñra deñleşerdiñ göze ilmeýän
Köp zatlary añýan oý-hyýalyma.
Bir gün bolsa, boýuñ bolardy belent
Paýlaşyp öz ata-babalañ derdin,
Olañ görmek isläp, görmedik zadyn
Görüp bilerdiñ.
Ösdüñ, adam bolan ýalam bolduñ sen,
Pes däl boýuñ dostlañ birnäçesinden.
Ýöne name üçin geçip bilmediñ
Meñ pully jübimiñ derejesinden?!

Otyryn men şeýle sowala boglup:
Şondan añry geçmediñ sen nämüçin,
Ösmek islemediñ nämüçin, oglum?!