Rubin göz görkezdi!
3-nji awgustda ildeşimiz Gurban Berdiýewiň türgenleşdirýän Rubini Kiýewiň Dinamosyny 2:1 hasabynda utdy. Ähli liniýalarda güýçlüdügine garamazdan kiýewlileriň komandasy Rubin matalyny çözüp bilmän, paty-putusyny arkasyna daňyp, Ýewropa Ligasyna tarap ugrady. Kiýewiň Dinamosyny SSSR dargaly bäri saýlama oýnunda iki gezek hem utan ors komandasy şu güne çenli ýokdy. Ine, Rubin ýumrugyna tüýkürse nädiberýär. Barselona muny entek ýadyndan çykaran däldir. Rubin indi 4. saýlama tapgyrynda Arsenal, Bawariýa, Lýon, Willarreal, Benfika komandalarynyň biri bilen oýnamaly. Bije atyşlyk 5-nji awgustda. Gurban aganyň şikesli oýunçylary düzelse we aljak diýen 3-4 oýunçysy alynsa, Rubin Willarreal we Lýon komandalary bilen arkaýyn dikleşip biler, sebäbi bu komandalar öňki «haý-haýly» derejesinde däl. Benfika hakda gürrüňem ýok. Şu tapgyrda Benfika Trabzonspory utdy (öz öýünde 2:0 we Trabzonda 1:1) ýöne Rubin ony arkaýyn geçip biljek. Emma Arsenal ýa-da Bawariýa düşäýse welin, Rubiniň işi kyn. Gurban aga Arsenal bilen düşenin kem görenok. Hany görübereris-dä. Bize Rubiniň iň bolmanda iki sany gyzykly oýny garaşýar. Belki toparlaýyn ýaryşa düşäýse-hä oňa ýetesi zat ýok.
Rubin 4-nji tapgyry geçermi?
Haýsy komanda düşse-de geçer.(63%, 12 adam)
Arsenal ýa-da Bawariýa düşse geçmez, beýlekiler düşse geçmegi mümkin(21%, 4 adam)
Arsenal, Bawariýa, Willarreal, Lýon düşse geçmez, Benfika düşse geçmegi mümkin(0%, 0 adam)
Beýlekiler barada gürrüňem ýok, Benfika düşse-de geçmezmikä diýýärin(5%, 1 adam)
Kim düşse-de masgara bolup, uly hasap bilen utular(10%, 2 adam)
Arşivin durumu
● Tam metin
● 16/16 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 2 Aralık 2011 · Orijinal sayfayı gör ↗
Yorumlar 16
Rubin kim dushse hem utar.Sebabi Gurban aga interwyusynda:Men shul oyny utmak u.n Dinamo Kiyewin ahli 30 oynyny gordim.Allajana shukurd.p aydyp gechyar.Men ilki haladym we ses berendirin.
Men pikirimce Benfika'danam yeniler. Gaty ejiz topar Rubin. Duynki oyuna gormedim, yone D. Kiev sonky yyllar ashak dushup ugrady. Benfika-da gecen yyl Europa Ligasynda sonky dortluge galan komanda. Yokardaky sanan toparlaryn hemmesem Rubin'den bir koynek ustun. Shonda-da ustunlik dileyan!
ýüregi berseň men anyk aýdaýyn pikirimi.
Arsenal bilen Bawariya düşmese bolya inşallah Willerreal düşer we Rubin geçer.yöne başgalary düşüp geçmesede gaty zorlar garşydaşlaryny
Geçer diýip umyt edýäs geçerlaý
Indiki raund-da nabileyinde Rubinin gechjegini. Sebabi guychli komandalar galdy. Villareal, Arsenal, Bayern dushmese bolyar esasy.
Gurban Berdiýew: ''Arsenal bilen garşydaş bolmak isleýän'' - diýdi öz interwýusynda. Şony keýpine diýendir öýdemok, ýa-da bahana bilen Londany, ''Emirates Arena''-ny görüp gaýdarys diýip diýendir öýdemok. Diýdimi, diýmek hökman bir emmasy bolaýmaly. Rubin güýçli komandalar bilen oýnanda esasan kontratakalara daýanýan klub. Arsenalam güýçli, özem hüjüm futbolyny oýnaýan klub. Rubine Arsenal düşäýse polny güýji bilen goranar, kontratakada moment bolsa-da gol atar. Rubinde 1-njy maksat gol saldyrmazlyk. Gol salmaklyk ol uže 2-nji maksatlary. Ýöne bir zat bar-da. APL-iň ''Gurban Berdiýew''-i Arsen Wenger hem ýöne-möne trener däl, muny hemmäňizem bilýäňiz.
Meň özüm Bawariýanyň düşmegini isleýän. Rubiniň doly güýji bilen goragda oýnamasyna tüýs gerekli klub şu.Hany göreliň ertir kim düşerkä.
paty-putusyny arkasyna
daňyp...
Hahaha 😆
Rubin utaýmaly. Benfika ýada Lyon düşer diýip umyt etýän. Beýlekiler düşse... aý näbileýinda....
Başlyk, beýlekiler düşse näbileýin-dä diýme. Rubine näçe hüjümde oýnaýan klub düşse şonça gowy. Özi ýaly goragda oýnaýan biri düşäýse olam gowy däl (Mysal üçin: Lion).
Bir ädim öňde diýjek bolduňmy? Bir gömlek üstün diýip Türkçede bar Türkmen dilinde däl 😉
Soňky döwür gowy ünsümi çekip başladaý şu Rubin. Toparçalara galsa hemme oýunyny görjek nesip bolsa.
Gowy umytda bolmaly.... Yone -yone'da... Arsenal, Bawariya, Lyon, Willarreal, Benfika- bular name diyseniz hem Rubinden bir adim onde...
kim bn oynasada dine Rubin diyjek mena! Nesip bolsa utarys!
ana 1 + rubin one mowzuk hem one bash sahypa!
indiki oýun kim düşsede gyzykly bolar,
Nesip bolsa RUBIN utar diýip tama edýärin.
Men-ä Benfika düşse gowy bolarmyka diýýän. Gurban agada Arsenal diýse diýendirem welin, olar has ýokary klasdaky komandamyka diýýän. -Elbetde duşmana syýasat ýagşy- diýilşi ýaly Gurban agadan beýleki komandalara garşy öňünden bir hüjüm syýasatyny alyp barýarmyka diýýän. Elbetde Barselona bilen oýnanda Nou Kampda öz tejribesini görkezipdi. Ýöne onda-da Benfika düşse kem göremok.