Eden etdilik
Salam gadyrly dostlar, hormatly agzalar!
Bu günki günde, türkmeniñ özüni bütin dünýä tanatmak üçin içerki we dasharky alyp barýan syýasatlary elbetde oñat netijeler berip bashlady. Men gepi köpeltmän esasy tema geçeýin. Arada az wagtlyk saparda wagtym Gökjäniñ krugynyñ ýokarsyndaky zaprawka benzin guýdurmaga barmaly boldum. Öz nobatyma garashyp durun, öñümdäki benzin guýdurmak üçin duran uly mashynyñ eýesi mashynyndan düshüp bir zaprawshik oglana janygyp bir zatlar düshündirjek bolýar. Menem bardym bulañ ýanyna, benzin guýýan operatorçy benzini kem guýupdyr eken. Ol benzin guýdurýan bende meñ mashynyma 50 literden kän gitmez, öñem içinde 50 liter töweregi benzin bar diýip janygyp düshündirjek bolýar, operatoryñ guýan benzini bolsa 74 liter diýýär. Ol benzin guýup duran wagty öçürip täzeden açypdyr eken awtomaty. Sheýle edilende, öñki guýlan benziniñ litr sanyny görkezýän ekrandaky sifri ýitip täzeden nuldan bashlanýar eken. Üstesinede olar 2-3 sany bolup bu ishi amala ashyrýan ekenler. Ýene-de birzat, benzin guýdurmaga gelen mashyna benzin kolonkasynyñ ters tarapyndakysyny alyp guýýan ekenler. Garaz bu haramzadalaryñ ugur ýoly kän eken. Käbir operatorlaryñ nebsi öñüne düshüp her gelen garamaýak bendeden 1 manada çenli pul çürkäp haramlyk edýändiklerini bilmeýän az bolsa gerek. Kiçi mashyndan 20 teññe, uly mashynlardan bolsa pesinden 1 manada çenli puly ogurlaýar ekenler. Bir günüñ dowamynda müñlerçe mashyn benzin guýdurmaga barýan bolsa muny jemläp alanymyzda uly möçberindäki pul gymmatyny ýasaýarlar. Bu galplyk we göz görtele ýasalýan pullar aýyñ dowamynda, ýylyñ dowamynda gör näçe müñläp pul bolýar. Bir giden garagöz çagalaryñ, hojalyklaryñ iýjek ryskynyny her hili ýollar bilen ogurlaýan adamlaryñ wyzhdany ýokmuka?! Ýa da olaryñ edýäni dogrumyka!? Käwagt käbir adamlaryñ pylan ýerdäki zaprawkada hakymy iýdiler, pylan ýerdäki zaprawka gowy eken, hakyñy iýenoklar diýip gürrüñ edip oturanlaryna dushsa bolýar. Aý borla 20 teññe üçin dawa etmägede utanýas, Alla görüp oturandyr bu zatlary diýýänlerem bar. Bu eden etdilikleriñ soñuna sogan ekip bolmaýarmyka?! Umuman meñä aýtjak bolýanym shu ishlerde gözegçilik öte pes ýa da ýok bolmaly. Hökümet bu eden etdiligiñ öñüni alsa halk üçin ýene bir bähbitli ish etdigi bolarmyka diýýän.
Siziñ hem zaprawkadan awunan wagtlaryñyz bolupmydy?
Hawa(50%, 11 adam)
Ýok(4%, 1 adam)
Ownukçyl ekeniñaý dost(13%, 3 adam)
Menä beýle zady birinji gezek eshidýän(0%, 0 adam)
Bir awundym welin ýadymdan çykmady hiç(13%, 3 adam)
Menä mashyndan düshüp litr sanyna seredýän(13%, 3 adam)
Menä indämogam(4%, 1 adam)
Arşivin durumu
● Tam metin
● 29/29 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 29
Nähili ýagdaý bolanda-da hakyňy iýdirmejek bolmaly. Göz-görtele hakyňy iýdireniň üçinem hasap bar.
hak aydyan. Ylalashyan sen bn!😉
Gaty gowy temany gozgapsyň, awtor. Minnetdar. Şular ýaly temalaryň höwri köp bolsun.
Häzir gaty köpeldi şolar ýaly ýagdaýlar. Edip bilýän zadymyz ýok, diňe Allaha tabşyryp bilýäs. Türkmeniň ýuwaşlygy-da, biziň ýerimize başga bir dawaçylyrak millet bolan bolsa-ha bular ýaly zatlaryň soňuna çykylsa-da çykylardy.
'Balyk kellesinden porsaýar' diýilen sözden habaryň barmy? Şolaryň başyndaky duran düzüwli zatdyr öýdýäňmi?
Beyle ownuk $ahsy haramlyklar,ogurluklar kän-ä. Özem bilinýä,kimiñ näme etýäni. Biriñiz ýazypsyñyz, 50 manat berdi i$ bitdi diýip, bermeseñ i$iñ bitenok,berenem alan bilen deñ günäkär.zynjyrly täsirle$me ýaly bolup gidip otyr onsoñ.çykalga näme:her kimiñ özüne,ma$galasyna berk bolmagy ba$da,soñam galan ýakynlaryna.10,20,100 adamdan arza gelse seredilýä $ol i$e-10 adam gol çekmäne razy bolanok,haramlyk edenini,kiçelenini gowy görýä.
Sözüme go$aýyn,obalarda,$äherlerde kim ayagyny gy$yk bassa,uçaskawoy habarly-emma sessiz galýar.resmile$dirilen ogurlyklar(~20 milyon dollara barya) üçin hökümet ayaga galyp ba$lady,in$allah alla dogry ýoldan aýyrmasyn
Menem Neftebaza (ZAPRAWKA) barada size bir az gvrrvn bereyin.
Menen 2005-2007 yllar aralygynda ishledim. Zaprawkanyn oz sistemasy bar. Ol yere dvshen adamlay goni haramlyga iteryarler. Siz zaprawshigi gvnakarleman Newtebazanyn bashlyklaryny gvnakarlan. Newtebazanyn bashlygyndan turyar hemme zatlar. Sholar hemme belanyn bashy.
Newyebazanyn bashlygy Nacalnik zaprawka nalok salyar a Nacalnik AZS oz ishgarlerine nalok salyar. Yagny her satylyn tonna planca manatdan tolemeli diyyar.
Tolenmedik yagdayynda ishden bir bahana bilen boshadyyarlar ya-da bashga yerik perewod edyarlar.
Yone gozleri pula dvshen zaprawshik imanyny yipirip admalary allap pulunu alyanlary hem gaty kan. JUDA KAN
Bul ish dine haram adamlaryn uzak ishlap bilyan ish yerleri.
Ol ishde ishlan adamlar dine oz oturan shahasyny kesyarler, gelejegini gomyarler.
yorite kartlar cykypdyr. Kabir zaprawkalarda bar diyyarler. Icine pul goyyan we shol zaprawkalara baryp, yorite sholara layyklykdaky benzin mashynkalaryndan gerekli litrdaki sany yazyp, yeke tenne iydirman alyp bolyar ekeni. Ozum ulanamok. Yone men hem curkenip gorenlerden. Yarym manady curkendi hasabam edemok. Aslynda, olam sheyle, yone ish haky diyip alyp galyalarmyka oydyadim.
dogry aydyang dostjan, olar bu edyan ishlerining haramdygyny bilmeyarlermika? Bilyaler, bilip angyrsyna-da gechyarler. Nesip bolsa hokumedimiz shular yaly zayalananlaryng yoguna yanarmyka diyyan. Capello dostumyzyng aydyan Maliye polisiyasy doredilse. Sheylede bu yagdaya dinge maliye dal, eysem bizing her birimiz hem aktiw gatnashyp haramchylygyng onguni almak uchin goreshmelidiris. Songky bolyan, eshdilyan, gorulyan yagdaylar butin milleti uzagyndan uly kosenchliklere eltmegi mumkin...