Remezan diýerler aýyň ýagşysyn

Ýylyň dört paslynda — on iki aýda,

Remezan diýerlar aýyň ýagşysyn.

Pena döwranynda, ýeriň ýüzünde

Şamy-şerif diýrler Jaýyň ýagşysyi.

Garga guş ýaraşmaz beýik baglarda,

Gül üstünde bilbil saýran çaglarda.

Ýeriň arkasynda, gençli daglarda,

Ajdarha eýelär zawuň ýagşysyn.

Eliň ýetse, arzyň etseň subhana,

Akyl haýran bolar beýle diwana.

Ýürekde dert bolup hem deger jana,

Namarda bagş etse paýyň ýagşysyn.

Magtymguly, bu döwrany-zamana,

Ýagşyny ýygladyp, düşer-ýamana.

Gardaşlary Ýusup kimin janana

Rowa görmediler jaýyň ýagşysyn.