Google SketchUp

Google dünýäniň dürli ýerlerini 3-ölçegli biçüwde internete ýerleşdirmegi göz öňünde tutýar. Ol bu işe göni özi gatnaşman, eýsem 3-ölçegli dünýäni döretmek üçin ýörite programma işlap düzdi. Ol programmanyň ady Google SketchUp (Gugl sketçap). Sketçap şu wagt çenli döredilen 3-ölçegli programmalaryň iň ýönekeý we iň aňsatlaşdyrylan görnüşleriniň biridir. Onuň mugt we professional (ýagny pully) görnüşleri bar. Ýöne mugt görnüşinde hem örän köp mümkinçilikler bardyr.

Tizligi Sketçapyň esasy ünsi çekýän häsiýetleriniň biri onuň tizligidir. Ony gurnamak we kompýuterde işletmek beýleki käbir agyr grafika programmalar ýaly kyn däldir. Ol özüniň ýerine ýetirýän işine garanyňda, öndürýän netijesini garanyňda örän çalt işleýär. Onda şekilleri köpeltmek, olaryň üýtgetmek has aňsatlaşdyrylypdyr.

Dürli formatlar Mundan başga-da, programma köpleriň ünsüni özüne çekýär, sebäbi ol beýleki programmalardan alnan faýllary öz biçüwine öwrüp, ulanyp bilýär. Bu bolsa, öň döredilen 3-ölçegli şekilleri ulanmagy we täzeden ýaýratmagy aňsatlaşdyrýar.

Şekiller bazasy Siz 3-ölçegli grafika düzmekde ýeke galmarsyňyz, sebäbi eýýäm Sketçap ulanyjylarynyň sany müňlerçe adam bolandyr we olaryň internetde paýlaşan şekillerini ýörite Google 3D Warehouse atly websaýtdan tapmak mümkin. Şol websaýtdan her kimiň paýlaşan şekilleriniň siziň öz täze düzmäňizi döretmegiňize uly ýardam berjekdigi ikuçsyzdyr. Şu wagt dünýäde müňlerçe ulanyjy bu programma bilen döreden şekillerini internetde Gugl Kartalara ýerleşdirýär we hakykatdan-da geljekde dünýädäki ähli binalaryň 3-ölçegli şekliniň döremegi mümkin. Ine aşakda muña mysal



Öwrenmek Sketçaby öwrenmek kyn däl, sebäbi programmany döredijiler munuň üçin saýtlarynda ýörite wideo sapaklar ýerleşdiripdirler. Şol programmalara seredip, siz eger öň bir grafika programma ýa-da 3-ölçegli şekilleri düzmek boýunça tejribäňiz bar bolsa, 1 gün üstünde kelle döweniňizden soň, çynlakaý şekilleri ýasamaga başlap bilersiňiz.
Eger kompýuter grafikasynyň muşdaklaryndan bolsaňyz, ýa-da gyzyklandyrma bildirseňiz Sketçap programmasyny ulanyp görmegi we öz isleýän şekliňizi döretmegi maslahat berýäris. Adama müň dürli hünär hem azdyr.