Belki şonda men ýadyňa düşerin (goşgy)
Belki şonda men ýadyňa düşerin,
Güýz şemaly saçyň sypap öwsende!
Ýapragyň gaçyşyn gören günleriň
Bir üýtgeşik duýgy döreder sende
Dikersiň gözüňi hol uzaklara
Uzaklyk ölçemez her bir geçeni
Sowuk geler bürenipler aklara
Şonda bolarmyka arzuwyň çeni
Arzuwlar özüni gorar sowukdan
Çägine-de sygmaz, giňär oturar.
Soň şolaň içinden birje haýukdan
Meň hyýalym göz öňüňde dik durar
Onsoň ähli zatlar başlar başyndan
Ýatlama ýagyş deý täzeden ýagar.
Men ýene geçerin seniň gaşyňdan
Ähli buz üstüne birden Gün dogar.
Ereder ýatlamaň goýman kemini,
Damjalar çygjardar gara gözleriň.
Ulydan alarsyň näzik demiňi,
Bakyşlaryň aýdar aýtjak sözleriň.
Define
Arşivin durumu
● Tam metin
● 27/27 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 31 Temmuz 2012 · Orijinal sayfayı gör ↗
Yorumlar 27
internete girip bilemok şu günler. arada okadym bu goşgyny. tüweleme, gowy goşgy. GarrySerdaryng degip geçen zatlary mengem ünsümi çekipdi. şu 3 bentde meng pikirimçe-de naesazlyk bar. galamynga kuwwat.
Gahrymany ozuniz bolsanyz, duygularynyza haladym diymek birhili... Haladym, halamadym duwmelerin yanynda Gynandym, gynanmadym goshsak, Gynandyma basardym... Goshgy tasir galdyryjy. Biz bn paylashanyza minnetdar!..
Döredijilik adamlara hormatym uly. Ylhamyñyz egsilmesin!
söýgi- sözi ulanylman, duýgulary sheýle inçe beýan edilen shygyrlary halayan. Bu goshgam ne iskluçenie
Arzuwlar özüni gorar sowukdan
Çägine-de sygmaz, giňär oturar.
Soň şolaň içinden birje haýukdan
Meň hyýalym göz öňüňde dik durar
in gowy setirler define sagbol.
Define! Gowy goşgy bolupdyr, berekella! Höwri köp bolsun! GarrySerdaryň bellikleri barada pikir edip gör.
Sagboluň! Ol Platoniki s-di!
kab aga, ahyry peýda bolduňyz! Sagboluň! Garry Serdaryň aýdanlarynyň jany bar welin, olaryň ýerine sözem goýup gördüm, ýöne häzirki görnüşini haladym! Näzik sözüni bolsa, gurak bilen çalyşsak gödek bolar, ýumşagrak bolmagyny isläpdim!