Iki mowzugymyň kyssasy

Meniň özümde bir halamaýan tarapym - köplenç bir zady çak etsem, şol boluberýär. Şonuň üçin bir erbet zadyň boljagyny intuisiýam aňsa-da pikir etmejek bolýan. Bolansoň içimden “Wah, aýtdym ahyryn, bilýädimä…” diýýän. Diňe intuisiýa hem däl, geçmiş + daşarky wakalar + logika + umumy ýagdaýlar + tendensiýa + intuisiýa = çaklama.

Mundan 4 aý öň bir mowzuk açypdym. Adatdan daşary ýagdaýlara taýýar bolmasak gowulyga eltmez diýip. Şol wagt içimde meni birzatlar biynjalyk edýärdi. Ýöne aýdanym özümde galdy, edip biljek zadymyz ýok. 3 aý soň Abadana snarýad bilen ok ýagdy.
http://teswirler.com/index.php?q=blog&view=15251

Düýn hormatlymyz ýygnak etdi. Esasy seredilen mesele: Türkmenistanyň Adatdan daşary ýagdaýlar baradaky döwlet topary hakyndaky Düzgünnama, ministrlikler tarapyndan adatdan daşary ýagdaý barada berilmeli maglumatlaryň sanawy, adatdan daşary ýagdaýlaryň ölçegleri we berilmeli maglumatlaryň görnüşi. Aýdanlaryma menzeşdä garaz...
http://www.turkmenistan.gov.tm/?idr=1&id=110722c

XXXXXXXXXXXXXXXXXXXXXXXXXXXXXXXXXXX

Mundan 2 aý öň başga tema açypdym: Islendik din çenden aşyp ugrasa Ekstremizme baryp direyar diýip. Ol diňe musulmançylyk bilen bagly däl, hristiýanlaryň hem başynda bolup biljegini aýtdym. Aýdanymyň sebäbi hiç kimiň ýadyna beýleki dinler kän düşenokdy.
http://teswirler.com/index.php?q=blog&view=17621

Ine düýn Norwegiýada bir Hristiýan ekstremist şäheriň merkezini çöwürdi. Soň başga ýere ataka etdi. 100-e golaý adam öldi. Ýewropada häzire çenli şular ýaly hristian ektremistiň eden atakasy ýadyna düşýän ýok.
http://www.dw-world.de/dw/article/0,,15261515,00.html

Garaz diýjek bolýanym…. ýerine ýetiriji organlar sosial, ykdysady, syýasy meseleler bilen gyzyklanýan klaslary diňleseler zyýanam geljek däl welin…dünýäniň islendik ýerinde aýdylan zat gijiräk eşidiläýýärdä, ýa-da käbirleri ýamanlyk üçin aýdýansyň öýdýäler. …Hotýa muny öňünden hasaba alyp diňleýänlerem bar welin... Aýdylan zatlar boş bolsa, U.S-de milliardlarça dollarlar Think-tank institutlara goýberilmezdi…diýmek gerek eken şol edaralar. Muny diňe kiçiräk mysal bilen düşündiresim geldi…Hiç zat boş ýere aýdylanok.

Saglygyňyz onda, geçip barýakam zaprawka sowuldym, salamlaşyp geçeýin diýdim. 🙂