Super Classico: Tesvirler Juniors - Tesvirler Plate 11-9.

Bu gün futbol oýnamak gürrüňiň başynyň nireden başlanyna bilemok, belki geçen hepdeki oýnan futbolumyzyň täsiridir, belki Sabyrly diýilýän agzaň açan temasynyň täsiridir, belki Ata agzaň açan temasynyň täsiridir, belki başga zatdyr, bilemok welin tüweleme bu günki futbol üçin garaşyşymdan hem köp agza gelipdir. Öň dagy munça adamy ýalbarybam çagyryp bolanokdylaý. 🙂

Gijara 18:30-da üýşmeli diýlen futbola ''Haýý, gijä galdymow..'' diýip öz-özümden nedowolny bolup barşyma 10 minudurak dagy gijä galypdyryn. Ýöne Hudaýa şükür, menden soň gelenlerem boldy, aslynda onçakly gaty bir gijä hem galmadyryn.

Oýna başlamankak iki topara bölünmelidik. Bir toparyň ady ''Tesvirler Juniors'' we beýleki toparyň ady ''Tesvirler Plate''. Ýagny Super Classico Tesvirler diýilýän derbi oýnalmalydy. =)
Meýdançadaky 16 oglany ikä bölüşmek üçin futbola birinji gezek gatnaşyp görýän oglanlaryň içinden özümizçe kapitan saýlan bolduk. Ýagny ikisi üçin hem agzalar nätänyş we şeýlelikde komandaň bölünişi adalatly boljakdy-da. Tesvirler Juniorsyň kapitany Barter agza, Tesvirler Plateniň kapitany bolsa Gudrat agza. Başladylar bölüşip.
Barter:
-Batyr geç.
Gudrat:
-ChemicalMan geç.
Barter:
-Quotient geç.
Gudrat:
-Ibrahimoviç geç.
.....
.....
Şeýleräk yzygiderlikdäki saýlanşykdan soň her biri 8 adamly iki topar emele geldi. Toparlaň düzümi aşakdaky ýaly boldy:

Tesvirler Juniors: Barter (captain), Quotient, Ata, Nico, Kazim, Mirasymyz, Oppiş, Batyr.

Tesvirler Plate: Gudrat (captain), ChemicalMan, Agajanh, Ibrahimoviç, Define, Мeрген, Lukman Hekim, Mukam (Bu teswirlere agza däl başga bir oglan, ýagny Quotientiň dosty).

Soňra bölünşik gutaransoň biz (Tesvirler Juniors) maslahatlaşyp komandamyzyň shemasyny, kimiň nirede oýnamalydygyny düzdük. Netije-de şeýleräk shema boldy. Ýagny: 3-2-1-1.
Meýdançada oýnaýan ýerimiz: Barter- Oppiş, Ata, Batyr - Quotient, Mirasymyz - Kazim - Nico.

Biz gorag futboluny oýnadyk, dogrusy şeýtmesek boljak däldi. Olar näme bolsa-da bizden güýçliräk gelýärdi. Tesvirler Plateliler bolsa hüjüm futboluny oýnadylar. Utulmaklarynyň esasy sebäbi hem şondandy. Goragy gaty köp boş goýýadylar. Yzda diňe Agajanh galýar. Başga belli bir goragçy bolup duranlar ýokdy. Olaň shemasy şeýleräk öýdýän: 2-2-3.
Meýdançada oýnaýan ýerleri: Lukman Hekim - Agajanh, ChemicalMan - Gudrat, Mukam - Ibrahimoviç, Meрген, Defina.

Hasaby ilki Juniorslylar açdy. Kimiň ilki gol salana ýadyma düşenok welin Kazim ýa-da Nico-dir. Umuman Tesvirler Juniorsyň goragynyň, Tesvirler Plateniň hüjümleriniň astynda geçen oýnuň birinji ýarymy 7-6 Juniorslylaryň peýdasyna tamamlandy. Ikinji ýarymda hem üýtgeşiklik bolmady, şol bir tipdäki oýun oýnaldy. Ikinji ýarymda esasan hem oýnuň soňky 5 minudy has gyzykly geçdi. Tesvirler Plate 10-9 hasap bilen utulup otyrdy. Bähh, aýak aldygyna ataka etdilerä hasaby deňlejek bolup. Iň soňunda muny başarmadylar. Goragy ýatdan çykardylar we kontratakadan soň salan goly bilen Kazim oýnuň soňky nokadyny goýdy. Hasap 11-9. Ine şu hasap bilen bolsa oýun gutardy.

Oýnuň dowamynda ýalňyşmasam jemi 3 gezek penalty depildi (Tesvirler Juniors 2 gezek, Tesvirler Plate 1 gezek) we 3-si hem gol boldy. Nico agza oýnuň dowamynda uly bolmadyk şikesjagaz aldy. Ýöne iň esasy zat oýun uruşsyz-sögüşsiz, dawa-jenjelsiz geçdi. Agzalaryň bir-birine bolan dostlukly ýylgyryşlarynyň astynda geçdi. Oýnuň esasy maksady hem şoldy.

Duşuşugyň dowamynda kimleriň köp gol salanyny bilemok. Her kim özüniňkini sanandyra?! 🙂 Aşakda ýazarsyňyzda näçe gol salanyňyzy. Menä gol salmadym. Iň owadan gol kimiňkäý? Menä çynym saýlap bilmedim. Ýöne Mukamyň, Niconyň, Ibrahimoviçiň uzak aralyklardan depip salan gollara bardy. Aý muny saýlamagy size goýýan, men plan zat diýsem ýalançy bolaryn. 🙂 Oýnuň iň gowy futbolçysy Ibrahimoviç diýesim gelýär. Akuratno, çýotkyja oýnaýan eken. Menä saklap bilmedim şu gün şony. Soň iň gowy futbolça Quotienti hem goşasym gelýär. Otduşi oýnady. Umuman meň üçin oýnuň iň gowy futbolçysyny saýlamda şular öňräkde geldi. Elbetde siziň pikirleriňiz üýtgeşikdir. Sizem bu barada öz pikirleriňizi aşakda ýazsaňyz minnetdar bolardym. Ýöne öňünden aýtýan, özüňi öwdi ýokdur. blum

Hä, ýatdan çykmanka munam aýdaýyn. Birinji ýarymda men awtogol saldym. Awtogol üçin topardaşlamdan ötünç soraýan (ýüzüni aşak salýan smailik). Awtogol salamsoň menem galmaýyn diýip Gudrat agza hem öz warotyna bir goljagaz geçirdi. 🙂 Umuman oýnuň dowamynda giren 20 goluň 3-si penaltydan giren gol, 2-si bolsa awtogol.

Bu 16 agzadan başga Kasymguly diýilýän agza hem geldi. Ýöne näme üçindir ol oýnamady. Ýok oýnajak däl, men size balet etmäge geldim diýip sypdy. Soň oýun gutaransoň Nurx agza hem geldi. Ýetişmedi.

Oýun wagtymyz gutaransoň daşarda biraz-owlak oturyp gowja tanyşdyk, gürleşdik, maslahatlaşdyk. Aramyzda Agajanh-niň hem barlygy üçin esasy deglip geçilen mesele saýtyň minuslary, plýuslary, problemalary we ýene-ýeneleň gürrüňleri boldy. Herkim Agajana öz teklibini aýtdy. Şu gün Sylapmeniň gulagy şyňlandyr, sebäbi şonuň gürrüňi hem az edilmedi. Ýene bir täzelik aýdaýyn. Haçandan bäri teklip edilip gelinýän dini-ahlak temalar boýunça bellenjek täze Moderatorly meselä hem degilip geçildi. Bu barada Ata agaň bir temasy hem bardy. Umuman Agajan dini-ahlak temalar boýunça täze Moderator hökmünde Gara Pişik agaň saýlanylmagyny gözöňünde tutýandyklaryny aýtdy. Ýada gönüläp aýdamda Gara Pişik aga saýtda dini-ahlak temalara seretjek täze Moderator diýlip saýlandy, saýlanmadyk bolsa-da basym saýlanar. Şu gürrüňdeşligiň dowamynda başga-da degilip geçilen meseleler az bolmady.

Soň gaýtmankak suratlara-da düşen boldukhow. 🙂 Häzir ýaltanmasam goýaryn nesip bolsa. Goýjak diýip söz bermäýin, çynym şuwagt notebook-ymy açmaga-da ýaltanýan. Häzir bolsa telefondan girip otyrn, telefondanam goýmak kyn. Hany goýjak bolarynlaý.

Bu günki futbol barada ýazmaga zat kän. Bu ýazanjalam diňe ondan biriläý. Telefondan ýazamsoň kiçjikke ekrana seredip gözüm çäşerip gitdähow. Bolýar, köp gürledim, temany jemläýin.

Temaň soňunda duşuşyga gatnaşan hemme oglanlara, isleg bildiren oglanlara sag bolsun aýtýarys. Aýratyn sagbolsunmyzy bolsa Ata aga aýtýarys. Çünki şu günki futboly gurnan şol.
Janyňyz sag bolsun. 🙂
Ata aga, sizdenem Allajan razy bolsun!
Sag boluň!

(Ukusy tutup pallaýan smailik) Okanyňyz üçin minnetdar.

Orazadan öň ýene bir gezek oýnaýsak diýýäs. Şu ikisinden haýsy gün bolsa siz üçin has amatly?

30.07.2011ý(57%, 19 adam)

31.07.2011ý(42%, 14 adam)