Söýüñ oglanlar!

Söýüñ, siz bireýýäm ýigit çykdyñyz,
Murtuñyz tabandyr, görnüp dur anyk.
Süýji dilli, çeper elli gyzlary
Söýüñ, söýenñizde örtenip-köýüp.

Söýüñ, otuz ýasha ýetipsiñiz siz,
Goluñyz kuwwatly, ýüzüñiz nurly.
Gara saçly, galam gashly gyzlary
Söýüñ, bu juwanlyk saklanyp durmy?!

Söýüñ kyrk bäsh ýasha aýak basdyñyz
Hem siz öñkülerden örän akylly.
Eli ak bäbekli uz gelinleri
Söýüñ, söýenñizde söýen shekilli.

Söýüñ, özge zadyñ etmäñ gaýgysyn,
Bashda siz ýashamak üçin doglanlar.
Ellimi,
altmyshmy,
ýetmishmi näçe? -
Ýyl sanashygyny goýuñ, oglanlar,
Serwi zenanlary söýüñ, oglanlar!