Çyn aşyk bolmak

Pygamber söýgisi.

Ilki Metjidi Nebewi (Resulymyz Mekkeden  Medinä hijret edeninden soñra ilkinji gurduran metjidi. 3-den biriniñ ùsti hurma agajynyñ  şahalary bilen ýapylan, 3-den ikisiniñ ústi açyk 4 sany diwarly) guruldy. Pygamberimiz  metjitde namazdan öñ syrasy wagyz etmek isleýär. Töwerekden namaz okamak úçin gelenleriñ kimsi täjirçi, kimsi söwda bilen meşgul, kimsi bolsa gyssanyp täretini alyp gelen, özlerine  namaz okamak üçin ýer gözleýärler. Ýöne Metjidi Nebewiniñ içi  başagaýlyk,  ala-gohly,  gürültili ýagdaýda bolýar. Resulymyz bolsa bir zatlar gürrüñ bermekçi bolup dur. Jemagat bolsa "Sen sebediñi beýlä çek, men šu ýerde goýaýyn; Sen şutaýrakda dur we ş.m" gûrrüñler bolup durka Resulymyz birazajyk  mübärek ses tonuny  beýgeldip "Eziz jemagat! Haýyş edýän her kim öz duran ýerinde otursun. Her kim öz duran ýerinde  otursun" diýýär. Abdullah Bin Rewaha  bolsa Pygamberimiz bu sözi diýen mahaly Metjidi Nebewiniñ daşynda ýoluñ ortasyndady. Abdullah Bin Rewaha r.a. Resulymyzyñ  bu sözûni eşiden dessine ýoluñ ortasynda oturýar. Töweregindäkiler onuñ ýanyna gelip " Allanyñ Resuly bu sözi seniñ üçin diýmedi ahyryn, Sen aýdylanlara degişli dälsiñ, tur ýeriñden" diýdiler.  Şonda Abdullah Bin Rawaha (r.a.) olara júñk edip jogap berdi "Men oña aşyk. Bu sözler onuñ agzyndan çykdymy?! Çykdy. Men ol sözleri eşitdimmi?! Eşitdim. Ol gelip meni bu ýerden turuzýança men bu ýerden turmaryn" diýdi we ýoluñ ortasynda oturdy...

Bellik: Men bu kyssany Dark Wolf agzanyñ Pygamberimiz Muhammet Mustafa salallahu we aleýhi wesselem barada açan mowzugyny okap täsirlenip açdym... Onuñ ömür beýanyny okadygyñça, ol barada heniz eşitmedik zatlaryñy eşidip, täzeçe zatlar öwrendigiñçe oña bolan söýgi kalplarda barha joş alýar... Alla jümle möminlere  Ebu Bekir Siddik r.a. ýaly sahabalary ýaly çyn aşyk bolmagy miýesser etsin.

“Kim Allaha we pygambere boýun bolsa, ine, olar Allanyň nygmatlaryna mynasyp bolan  pygamberler, syddyklar, şehitler, salyhlar bilen bile bolarlar. Bular nähili ajaýyp dostlardyr!"  (Nisa süresi 69)