Senem düşünensiñ-le...

Bu gün dünýä indi ogul,
Toý tutdylar oñ şanyna,
Dem berildi ýaşamaga,
Ak süýt goşup oñ ganyna.

Bir ýaşady, ýörjenekläp,
Üç ýaşynda dür seçipdi,
Ene-ata ,,çagam" diýip,
Oñ ugrunda der seçipdi.

Juwan ýaşa geldi ogul,
Unutdy ähli gaýgyny,
Ýüreginde tagma edip,
Ýerleşdirdi ýat söýgüni.

Ilde ýogun geýdirdiler,
Iýdirdiler ilde ýogun,
Emma iki mähremleriñ,
Gadryny bilmedi ogul.

Bir gün serhoş halda ýigit,
Kakasyna herreljiräp,
Haýbat atdy ,, degmäñ" diýip,
Añy gidip egreljiräp.

Öñler menem señ ataña,
Görkezipdim şeýle güyji...,
Ýöne ýere diýmändirler,
,, Öz çagañdan agtyk süýji..."

Awtory: Baýram Bejidow