Mundan hoşwagt bolup ötülmezmişin...

Gatyrdan ýykylyp ölen ynsana,
Hiç wagt jynaza okalmazmyşyn,
Bu ýerde köp zat bar düşünseñ ma:na,
Gyrkylan saçlary ýakylmazmyşyn.

Geñ görmäñ döwüriñ ösüşin tizden,
Iñ soñy donumyz tikiler bi:zden,
Gyşyñam parhy bar salkynjak güýzden,
Dostluk mertebesi satylmazmyşyn.

Dilinde dogasy elinde tesbi,
Daşyndan seretseñ molladyr keşbi,
Haramlyg-a galdy, halallyk düşdi,
Tobasyz günäler geçilmezmişin.

Köpleriñ diline geçipdir güýji,
Bilmedim çyn zatmy ýa ýalan ajy,
Içleri kirlenen gepleri süýji-,
-Ynsana Allahym eçilmezmişin.

Tabyda ýüklärler, meýdiñ göterip,
Sanalgyñ dolanda demiñ gutaryp,
Gidersiñ günäñi egne ataryp,
Mundan hoşwagt bolup ötülmezmişin.

Awtory: Baýram Bejidow