Gülüm

Men seni saýlamok, gözel gyz diýip,
Men seni saýlamok, pully gyz diýip,
Men diňe saýladym bir sebäp bilen,
Meň söýen gülümde ýürek päk diýip.

Ençe garaşdym men çyn bagt duşmagna,
Allam seni maňa nesibäm etdi.
Şonça ýyl kalbymda toplanan gaýgym,
Seni söýüp, derrew zym-zyýat ýitdi.

Gülüm, güljagazym, ýürek söýenim,
Saňa aşyk ýigdiň bir haýyşy bar.
"Hiç haçan sen meni taşlap gitmegin!"
Eger sen gidäýseň, dünýäm bolar dar.

Mylaýym sesiňe gije uklamda,
Ýa-da oýanamda daň säher bilen.
Allama müňdebir şükürler edýän,
Seniň mende, meniň üçin barlygňa.

Ynjytmaryn, ynjytdyrman gülümi,
Mydam men üstüňe saýaň bolaryn.
Eger menden birje öýkelän bolsaň,
"Bagyşla!" söz bilen çemen bogaryn.

Sen maňa bagt ber.
Ömrümi beze!
Goý, hemmeler haýran bolsun bu söýgä.
Ýöne hiçwagt hem biziň dilimizden,
Düşmesin Allaha şükürli doga.

Men seni söýýärin!
Oýun üçin däl.
Ýa-da däldir bolgusyz ýalan üçin.
Seniň şol mylaýym, näzik barmagňa,
"Bagt" nika ýüzügin dakmagym üçin.

Rahymberdi
Suhanow