Ýa yşkyñ wagty dâlmidi heniz

Yusup Yegenov awtory

Ýa yşkyň wagty dälmidi heniz,
Ýa maňa giç, ýa-da saňa ir geldi.
Gurak gyşdan aman çykdygam welin,
Biziň söýgi şähermize sil geldi.

Bizi ençe ýola duşurjak bolup,
Dostlam kän kösendi, diýseň zor olar.
“Siziň söýgiňizi kino edäýseň!..”
Diýşen bolup, göz degirdi joralaň.

Ýöne ýok däl eken yşkdan paýymyz,
Nähak göwne degen bolsam, öt günäm.
Gidendir bu filmi pauza goýup,
Durmuşyňam başga derdi gytmy nä?

Söýgimizi aýralykda süýjedip,
Ýygyrjak bolýandyr hem aramyzy.
Onda şeýle bolsa, gaty aňyrdan,
Kim ýazýanam bolsa ssenarýamyzy.