MART GELER WELIN!
Asman kükrär, bahar sygmaz gündize,
Gijelere sygmaz, çyrpynar zemin.
Men hökman aýdaryn saňa şol sözi,
Dillerim açylar mart geler welin.
Bahar möwç alar-da, bahara sygmaz,
Ýalançy meýmirär mylakatynda.
Ýürek göwrä sygmaz, ser dünýä sygmaz,
Men aýdym aýdaryn seniň hakyňda.
Aýtmajak bolsamam, barybir, menden
Biygtyýar maňa aýtdy:r bu mahal:
Gelin owsunyndan, gyzyň ysyndan,
Jahyl höwesinden ýasalan bahar.
Bogun-bogun söker ýaýdançlarymy,
Köňle ynam çöker, galkynar göwün.
Aýdymda aýdaryn aýtjak sözümi,
Kimdigim undaryn mart geler welin.
Gurbandurdy GELDIÝEW
Gijelere sygmaz, çyrpynar zemin.
Men hökman aýdaryn saňa şol sözi,
Dillerim açylar mart geler welin.
Bahar möwç alar-da, bahara sygmaz,
Ýalançy meýmirär mylakatynda.
Ýürek göwrä sygmaz, ser dünýä sygmaz,
Men aýdym aýdaryn seniň hakyňda.
Aýtmajak bolsamam, barybir, menden
Biygtyýar maňa aýtdy:r bu mahal:
Gelin owsunyndan, gyzyň ysyndan,
Jahyl höwesinden ýasalan bahar.
Bogun-bogun söker ýaýdançlarymy,
Köňle ynam çöker, galkynar göwün.
Aýdymda aýdaryn aýtjak sözümi,
Kimdigim undaryn mart geler welin.
Gurbandurdy GELDIÝEW
Arşivin durumu
● Tam metin
● 3/3 yorum korunmuş
Yayımlandığı site: dostluk.ru · Kaynak: Web Archive kopyası — dostluk.ru, 13 Nisan 2021 · Orijinal sayfayı gör ↗
Yorumlar 3
Daglaryň üstüne bulut gerindi.
Magtymguly Garlyň ,,Daglary" ýaly,
Daglar gümmürlendi,
Diýmek,mart geldi.
Ine,siller gaýdar ömür mysaly,
Meseler,peseler–topraga howlar.
Zeminiň söýgüsi,asman yhlasy
Ýagyşdan ýadygär gülälek galgar.
Perwanalar dörär,yşkdan sepildir,
Günüň bolsa şowhunlarda hyýaly.
Ýeňles ýel gol bular,
Gül gitsem diýer,
Bagtyna biperwaý,lälik gyz ýaly.
Toprak–mäherm ene çeker syýyndan,
Ata dek alarlar gyňyr gaýalar.
Ärler Mertliginden, Ar-namysyndan,
Bina bolan Ygraryndan gaýalar.
Ine,bir derede gaplaň arlady...
Ana,bir gaýadan bürgüt düwüldi...
Magtymguly Garlyň ,,Daglary" ýaly
Daglary güwledip Dag gümmürlendi,
Diýmek,mart geldi.
Gurbandurdy GELDIÝEW.