Assonas we Alletrasiýa

Arman, aňman, agyradyp, agladyp,
Ajap agşamlarňa aralaşmanym.
Aýt ahyry amanadym almankaň,
Almakçymyň ahmyrlaryň azaryn?

Aşygyňdan aşa açyp araňy,
Alyslardan alyslarda aýlanýaň.
Al-asmanda Aýa aýdyp arzyňy,
Aýlap, aýnap-aýnap, a:ýlap ar alýaň,

Ap-ak akrap aýagymyň astynda,
Aglap, awap artdyrypdyr azarym. 
Aşyklaň adyndan aýazly agşam
Aýyr asmanyňdan agyllan Aýyň.

Arzylymyň abraýy-da aladam,
A:lam, Aýam, alabaýam aňmasyn. 
Aýsyz agşamlaryň ajaýyplygyn,
"Agşamlaryň" aşyklary aňlasyn.

Myrat Gurbanow

Gözleñ gülmi, görküñ gülmi gözelim?
Görküñe görk goşýar gara gözleriñ.
Gözel görküñ görüp güýz günlerinde,
Goşgy goşdym göz gezdirip görsene.

Gel, gurban görküñe gözmüñ garasy,
Goýup gitme gaýgy gamda galdyryp,
Geleriñe garyp göwnüm garaşýar,
Gel gaşyma gözleriñi güldirip.

Gije-gündiz geleriñe garaşýan,
Gelsene, gel, gül görküñden ganaýyn.
Garaş ganatlarym galgadyp gökden
Gaýyp göni gujagyña gonaýyn.

Gelmeýärsiñ gujak gerip garaşsam,
Gel gülüm göwnümi gamlarda goýma,
Gyzyl gülüm gözel görküñi gizläp,
Gelmän gaýta gülüp göwnümi gyýma.

Gaýgy-gamdan gutar gynama göwnüm,
Gursagymda gam-gussalar galmasyn.
Gaýry gözellere gitmesin göwnüm,
Gaýry gözellerden göwnüm ganmasyn.

Hommat Hommadow

Doňňara  daş  deýin  doňdurdyň  dilber,
Duýduňmy,  duşamda  doňup  duruşym?
Duýdansyz  dillenseň,  dişlener  diller,
Dillenmeseň,  dereksizdir  durmuşym.

 Daranyp-daranyp  daraýy  donda,
 Durna  deýin  dolanarsyň,  dönersiň.
 Darykmasaň  duýgularyň  dömende,
 Diňşirgenme,  dertlilikden  dynarsyň.

Durmuşda  dost  duşar,  duşman-da  duşar,
Duşsak,  dertlidigmi  duýup  durgunyň!
Dörän  duýgularym  derýa  deý  daşar,
Daglar  deýin  dursun  Durnuklylygyň.

Baýramdurdy Gurbanow