G Ö Z L E G

Azashan inerler sarwany tapdy,
Kökleriñ damary derýany tapdy,
Dutaryñ perdesi shirwany tapdy,
Men seni tapmadym,
Sowala döndüm.

Daragtlaryñ bashy göklere ýetdi,
Kerwenli bezirgen ýüklere ýetdi,
Bishen gawun kepäp, söklere ýetdi,
Men saña ýetmedim,
Duralga döndüm.

Bulutlaryñ mekan tutan kendi ýok,
Shawlaýan shemalyñ, okan pendi ýok,
Gökde Aý owadan, jigerbendi ýok,
Men seni bar edip,
Goraga döndüm.

Ykbalyñ soragyn goragma berdim,
Hasylmyñ hümmetin oragma berdim,
Dünýäñ genji-känin ýûregme berdim,
Söz awlamak üçin
Duzaga döndüm.