Dilegim çagalaň bezesin daşyň

"Dilegim çagalaň bezesin daşyň"

Özge elde unutsaňam sen meni
kalbymda men seni baky saklaryn
Söýmerin ýürekden özge gyzlary
Söz beren söýgimi kalpda haklaryn

Sensiz galmak, oýumada gelmändi,
Ýöne, nägile-de däl men söýgiňden
Asla senden, göwin edip durmaryn
Soňky sözi eşitsemem diliňden

Aý howwa-da, başga alajym näme
Bilmesemem baky çykaryp ýatdan
Ýetmesemde,eden arzuwlaryma
Bagtly bolmagyňy dilärin Hakdan

Bagtlylardan artyk bolsun bagtyň hem
Görmeli etmesin gözleriň ýaşyn
Kaýyl, bu derdi bir özüm çekmäge
Dilegim Çagalaň bezesin daşyň

Özge elde unutsaňam sen meni
kalbymda men seni baky saklaryn
Söýmerin ýürekden özge gyzlary
Söz beren söýgimi kalpda haklaryn

Annagurban Annagurbanow