Hökümdar däldigiňe begen (rowaýat)
Omar ibn Hattapdan rowaýat
etmeklerine görä, Omar bir
jynaza namazyna gatnaşypdyr.
Onuň gatnaşan jynazasynda bir
nätanyş adam öňe geçipdir-de,
jynaza dogasyny okapdyr. Haçan-
da merhum depin edilen
pursadynda, ol adam merhumyň
mazaryna elini goýup şeýle
diýipdir:
„Eý, gudraty güýçli Beýik Allam!
Eger sen merhumy azaba çeken
bolsaň, ol seniň öz hakyň, çünki
ol seniň buýruklaryňa garşy ters
hereketler edendir. Eger-de sen
oňa rehmet eden bolsaň, diýmek
ol seniň tükeniksiz rehmetiňe
mätäçdir”.
Soňra ol merhumyň mazaryna
nazar aýlap, şeýle diýipdir:
„Eý, merhum, sen hökümdar ýa-
da kömekçisi, ýa-da aryp, ýa
bolmasa, salgytçy bolup, bu pany
dünýäden ötmäniňe begen!”
Haçan-da bu sözleri aýdandan
soňra onuň keşbi ynsanlaryň
gözünden gaýyp bolupdyr.
Omar onuň kimdigini bilmekligiň
küýüne düşüpdir we ol gözden
gaýyp bolup giden nätanyş
adamy tapmaklygy emr edipdir.
Ýöne ol nätanyş adam ýokdy,
çünki ol gözden gaýyp bolupdy.
Şol pursat Omar ibn Hattap: „Bu
Hydyr alaýhyssalam bolmaly”
diýipdir.
-----
Geljekki merhum hökmünde
hökümdar we onuň kömekçisi,
ýa-da salgytçy däldigime
begenýärin.
Arşivin durumu
● Tam metin
● 11/11 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 28 Temmuz 2012 · Orijinal sayfayı gör ↗
Yorumlar 11
ohho dost oylandyrmana mejbur etdiñ
oýlan dostum oýlan.
Ýok beýle däl..
Menem geljekdäki merhum hökmünde hökümdaram bolsam gynanmaryn. Sebäbi, bu hökümdarlykdan uzak durmak üçin gaçýanyň ýaly bolar. Eger-de watan üçin, ülkämiň ykbaly üçin meniň (özüm näçe islemesemem) patyşa bolmagymy maslahat berseler bolmaly bolar, bu pursatda gaça durmarn. Bu ýerde wezipäň beýgeldigiçe jogapkärçiligiň artýandygy nygtalmak islenilipdir. Eger beýle bolmadyk bolsa-dy başda pygamberler we sahabalar döwledi dolandyrýan häkim däl-de sada graždan bolmany seçerdiler. Wagty gelende Ebubekirem, Omaram, Osmanam, Alam dolandyryş üçin döwlet baştutany bolupdyrlar. Aýdyljak zatlara ýalňyş düşünmeli däl. Olar jogapkärçiligiň näzik bir wezipeligi bilen baglanyşykly. Ýalňyş düşünme pgs, mowzugyňy haladym, öz şahsy pikirlerimäm paýlaşaýyn diýdim..
Keçeli aga sagboluñ.
Keceli aga golun unsumi cekdi welin, hic dusunmedim. Name diyjek bolyaka?
Awtordan ötünç sorap birki kelam edäýeýin welin bu hakda şahsyda ýa-da pikirlerde pikir alyşsak has ýerliklimikä diýýän. Hem soragam edep bilen baglanyşykly bolansoň munam nygtaýaýyn diýdim. Mydama adam bolmak gerek, adamy adam sypatyna büräp alýan zat bolsa edebidir. Ol adamyň geýýän lybasy kimin bolup edepsiz ynsan eşiksiz adama meňzedilipdir..
Sagbol, Mergen. Gaty oýlandyryjy tema açypsyň. Menem Keçeli agaň pikirine goşulýan.
haladym. Allah razy bolsun, jigim!
Kecelinin yazany has dogry yaly. Yogsam Hz. Ala sorayalar:
-yyndam at name ucin gerekli?
-jogapkarcilikden/imamet gacmak ucin - diyyar.
Hz. Omer hem shehit bolmazyn onisyrasynda ona yashuly sahabalar sorayarlar:
-ey, Omer, oglun Abdullah bin Omeri halypalyk ucin has onayly goryaris we ony senden sonky halypa saylamak isleyaris?!
Hz. Omer:
-yok, bir mashgaladan bir gurban yeter - diyyar. Sheylelik bn ogly hem halypa bolmak islemeyar we bolmayar. Yogsam, hz. Omerin yashuly sahabalar maslahaty toparynda yash bolmagyna garamazdan, ogly hem bardy. Galybersede, pygamberimiz ona Ymmatymyn allamesi(hemme taraplayyn alym) diyipdi.
Hz. Abbas hz. Omerin wepatyndan son ony duyshunde gormek isleyar. 6 ay son gorup bilyar. Munyn sebabini sorasa hz. Omer ona:
-hasabym shu gun dyndy - diyipdir.
Bizinki yaly birnace dowlet ululygyndaky Yslam aleminin ahli ynsanlaryndan jogapkar bolsan, elbetde, hasabam yowuz we kan bolyandyrda. Jogapkarlere Allah kuwwat we adalat bersin!
Mowzukdaky maksat hakim bolunmazlygy dal-de, hakimligin jogapkarciliginin we hasabynyn agyr boljagymyka diyyan men hem.
Sagboluñ Ata aga, sylap teswir ýazanyñyz ün ýöne düshünjämiziñ pesligindenmi ýa ýashlyk edýämi kä ýarym ýalñyshrak düshünaýýas.
Umuman teswiriñize özümche düshündim.
paylashyber, Mergen! Men hem yalnysh dushunendirin. Beylekiler duzeder. Wajyp bolan gowy zatlaryn paylashylmagy. Shonun ucin hem gowy goryan paylashanyny! Sag bol!
Şu döwürde patyşa diyen zat galmady. Demokratiya diyen zat bar. Birazajyk anynyzy üytgedin. Han, patyşa bir adam yalnyşy köp bolup biler. Emma ençeme adam döwleti halkyn erki bilen dolandyrsa onda yalnyşlaram az bolar.