Bela-(K.Gurbannepesow )
Meniň bir tanşym bar,adyny aýtjak däl,
Tapawudy näme Meretmi?Kuly?
Wezipesi näme ?Onam aýtjak däl,
Tapawudy näme?Kiçimi,Uly?
Alýan aýlygyda biziňki ýaly,
Hut biziňki ýaly aýagy ,eli
Ýone, bizden birje tapawudy bar.
Köpmişin puly.
Nireden alýaka?Onam biljek däl.
Ýöne käte-käte gijände dili,
Gezelenje gelýä ýa-da çagyrýa ,
Damaskmy ,Müsürmi,Beýrutmy,Çili?
Ynsan ömri hakda,azary hakda,
Armanly ölenleň mazary hakda,
Müňläp pajygaly mesele hakda,
Dünýäň derdi hakda ,keseli hakda
Gürrüň edilende başyny ýaýkap,
“ Häh şeýledä”diýip dem alyp uly,
Hyrçyn dişläp,için çekýärem weli,
Birden arasynda ýylgyraýýar ol.
Ýadyna düşende Puly,Puly,Puly.
Arşivin durumu
● Tam metin
● 8/8 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 25 Mayıs 2012 · Orijinal sayfayı gör ↗
Yorumlar 8
Tüweleme halypalarmyzyñ go$gularyny ýetirip duranyñyz ücin sag boluñ! Gowja go$gy eken!
govja goshgy 🙂 🙂 🙂
Pul diýsene... Kerim şahyr jaýdar aýdypdyr birnäçelerini mysal getirip
ýenede ýetirip dur
Köp-köp sag boluň ruhybelent hem şahyr
sovetskiy rejimin goshgysyda 😆 puly nirden bolanda name... halal gazanya haram gazanya illere name ))) ka wagt uytgeshik mashyn munaysen goni hokumeti soyya, ya haram ish edip gazanya diyyaler... halal gazanyp millionlap yasayanlar bar
K.Gurbannepesowyn gosgularyndan ön okap görmedik gosgy. Bu sahyra söz yok. Gowy gosgy eken.
Yokardaky gosgyny okap, sahyryn BAGYTLYLYK diyen gosysy yadyma dusdi. Gosgy doly dal.
Diýdiň sen:
“işçiler nädip oňýarka
alýanja şojagaz aýlygy bilen?..”
emma welin işçiň günlük
baýlygyn
deňäp bilmen ýyllyk baýlygyň
bilen.
seniň puldan başga bilýän zadyň
ýok.
pikiriň-zikiriň pul, pul, ýene pul.
bolmasa-da bizde gul diýilýän
zat,
sen gul! haram puluň elindäki
gul!
...agaň soňky demde hyrkyldap
ýatyr.
sen onuň yzyndan gitmäge
derek,
şu günki gazanan puluňy sanap,
ekstra bilen urýarsyň börek.
syrkaw dem sanaýar, sen pul
sanaýaň.
men bolsa gazany gapgaryp
pitä,
bugy hem gaýtmadyk jüýje
çorbasyn
seniň dertli agaň yzyndan
eltýän.
sen bolsa şo mahal sanan pulyňy
desseläp, desseläp, daňýardyň
müňden.
emma meniň kisäm müňsüzem
bolsa,
şo mahal müň esse bagtlydym
senden.