TESWIRÇI GYZLARA SARGYT

• Köpçülikde gaty gülmäň. Gülkiniň sesi ýedi ädimden aňryk eşidilmesin. Çasly gülki haýa perdesini ýarýan närsedir!
  
  


• Size giň-giň ädimläp, batly ýöremek gelişmeýär. Her ädimiň giňligi bir daban bolsun, howlugyp ýöräňizde ädimiň arasy iki dabandan giň bolmasyn. Siz uly gyz ahyry! 😉
  
  


• Il üýşen ýerde çigit çigitläp, sakgyç çeýnäp gäwüşäp oturmaň. Özüňizi ir tanadarsyňyz! 😉
  
  


• Myhmançylyga baran ýeriňizde kän eglenmäň. Gadyryňyzy gaçyrarsyňyz!
  
  


• Nämährem kişilerden özüňizi çekeräk saklaň. Çakdanaşa alçaklyk hem gyz maşgala üçin ýagşy däl.
  
  


• Endamyňyzy nazarlap duran eşik geýip ile çykmaň. Töwerekdäkileriň ünsüni özüňize çekmejek boluň!
  
  


• Baran ýeriňizde nahar-şora kanagatly boluň. Soň başlap öň boljak boluň!
  
  


• Arassalygy hem-de päkligi özüňize baýdak ediniň. Olar siziň mertebäňizi beýgelder!
  
  


• Öý işlerine çulum boluň. Öwredenlerdenem ökde bolmaga çalyşyň!
  
  


• Nahardan soň gap-gaç ýuwanyňyzda çaýkalan suwy çem gelen ýere dökmäň. Galyndy naharyňyz bar bolsa malyňyza hödür ediň, itiň ýalagyna guýuň. Ol hem bolmasa, aýak basmajagrak ýere, ot-çöpüň üstüne döküp, guş-gumry çoksun diýen niýetde boluň!
  
  


• Saçyňyzy daranyňyzda gyrylan tarlaryny berk ýygnaň, özgäniň öňünden çykmasyn
  
  


• Kirsuwyňyzy we başýuwulgyňyzy köçä serpiji bolmaň...
  
  


• Öz eşigiňizi özüňiz tikinip geýiň... Öz eliňizden çykan lybasyňyzyň gadyry bir başgadyr.
  
  


• Owadan, gelşikli geýinmek bir başga, çendenaşa bezenmek bir başga. Herki zadyň öz ýerini biliň.
  
  


• Köýnegiňiziň bagjygyny ýokarrakdan çigiň. Emenjek çukur görünmesin.
  
  


• Hiç haçan 'daşdan kesekleşip' sözleşmäň! Abraýyňyza şikes ýeter.

Çeşme - 'Edep' kitaby