Bir zatjyklar etmek barada...
Bu günki mowzugym progress barada.
Şu ýerde köpümiz talyp. Käbirimiz bakalawr edip ýör, käbirimiz masters okap ýör, kabirimiz bolsa doktorandurada.
Näme üçin okaýas:
1.Karýera ýasamak üçin,
2.Geljekde maşgalamazyň material binýadynyň berk bolmagy üçin,
3.Halka we millete ösüş ýolunda goşant üçin,
4.Pul üçin,
5.Diňe gaty kagyz üçin,
6.Ene-atamyzyň oka diýip gyssaýany üçin.
7.Özümizem bilemzok.
Her bir adam şu kategoriýalaryň birine girýär.
Köplenç bir zada syn edýän, şu ýerde doly gürrüňden boş gürrüň kän, munuň içinde hemmämizem bar. – Manty iýdim, - Ýatasym gelýär, - Aýallar şeýle, erkekler beýle, - Gyz gözleýän, är gözleýän, -- Pylany meni allady we ş.m (şagal möjekler).
Dogry, boş gürrüňler hem gerek. Kelläni dynç aldyrmaly arasynda, şähdiňi açmaly, dost gazanmaly. Ýöne wagtymyzyň we energiýamyzyň agramly bölegini öz öwrenen zatlarymyzy paýlaşsak, täze idealar we pikirler aýtsak, konstruktiw kritika bilen islendik meseleler boýunça öz çözgütlerimizi hödürlesek, bilýänler bilmeýänlere, ulular kiçilere maslahat berse, ulalyp oňalmadyklar oňalan kiçilerden maslahat alsa, her kim öz okaýan ugry boýunça möhüm maglumatlary isleýän adamlar bilen paýlaşsa nähili ajap bolardy?!
Mysal ucin: IT, programmistlik okap ýören müňlerçe talyplarymyz bar. Peýda getirjek saýt açmak üçin okuwy gutararyňa garaşmaly däldirä? Özümä IT okaýan bolsam höwes bilenem täze idea bilen täze saýt açardym, alternatiwany köpelderdim, çeşmeleri giňelderdim. Mysal üçin aýdaly men Türkmenistanda Gazankykda internetde gezip ýören oglanjyk, okuwy gutardym, daşary ýurtda okasym gelýär, maglumat tapamok, bolanlaryň hem diline düşünemok, nireden öwrenip bolarka… Ine idea…Türkmenistanda okuwa girmek isleýän talyplar üçin Portal. Biri sistemany ýasaýa, başgalary hem her kim öz okaýan ýerindäki mümkinçlikleri jikme jik ýazýar. Onsoň her kim özüne geregini alýar. Bu diňe bir mysal. Söwda edýänler üçin, iş gözleýänler üçin, okaýanlar üçin, kanun gözleýänler üçin Web baza gerek. Bular diňe mysal. Tipo şular ýaly: http://www.mastersportal.eu/students/abc/
Ya bolmasa biri bir ýurda syýahata gidesi gelýär. Köp ýurtda iň köp pul ýasaýanlar turistik agentlikler. Öz web sahypalarynyň üsti bilen network ýasaýalar, müşderi çekýäler, iň arzan ýollary tapmak boýunça bäsleşik gidýär. Arzan ýol çykdajysy, galjak ýeriňi arzan tapmak we ş.m gerek. Mysal üçin biri http://www.couchsurfing.org/ diýip saýt açypdyr, gaty gowy zat. Kim haýsy ýurda gezelenje gidesi gelse MUGTJAK galara ýer tapýar. Nädip. Bir türkmen ýaponlara diýýär. –Heý, men indiki hepde Tokyo barýan, kim meni aljak, özüm TM-den, şol ýerde TM geljek bar bolsa meni alsyn öýüne myhman, soň menem alaryn. Şeýdip birek-birek bilen tapyşýalar. 3 milliona golaý agzasy bar. Aramyzda Turizm ugurnda okaýan bardyr. Okuwy gutarara garaşman, şuňa meňzeş zat etseň bolar. Maryda ýaşaýanlar Ahaldakylary çagyrsyn, Türkmenbaşydakylar (Olar VIP, deňziň kenary) Aşgabatdakylary çagyrsyn. Gezekli çemçe, çykdajy bolanok.
Yewropada käbir saytlar bar, bir yurtdan beyleki yurda poputçik tapyar. Agza bolmak üçin bashda azajyk toleyan. Onson mysal uçin Berlinden Krakowa barýan biri ýazýar. Plan çislodan plan ýerden çykýan, plan wagtda plan ýerde bolýan, ýüregim gysmaz ýaly ýoldaş gerek, maşynym Çitroen, täzeje. Mugt äkitjek. Onsoň şo ýerden aýdylýan ýere barjaklar. --Heý, men şo ýere barýan, pylan ugurdan işleýän, pylan ugurdan okaýan, pikir alyşarys, göwünaçyk oglan men, alyp geç meni. Şeýdip mugtjak, ýa-da mugtuň bäri ýany syýahat edýäň. Käbiri diňe benzin pulunyň ýarsyny soraýar, olam standart çykdajydan 4-5 esse arzan. Bulam bir mysal...
http://enedilim.com/ -----> örän ajaýyp. Meniň diýýänim şular ýaly proýektler.
Bosh wagtymyz hökman bardyr. Dogry, her kim bir proýektjikle edýändir, aýdýan däldir. Ýöne etmeýänler bar bolsa, tejribe gazanmak häzirden juda möhüm. 🙂
Saglygyňyz.
Okuwdan daşary güýmenýän proýektiň barmy?
Hawa (43%, 10 adam)
Ýok(39%, 9 adam)
Okamok(17%, 4 adam)
Arşivin durumu
● Tam metin
● 39/39 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 5 Mayıs 2012 · Orijinal sayfayı gör ↗
Yorumlar 39
Happy?
fordmix_99 gaýrat edip floodlamasana. çözüp bilmedik, meseläňi pikirlerde ýaz ýa bolmasa şahsyda.
Shona menzeshrak...
okap sonuna yetyancham bashyn chashyp gitday, dagja bol
Mende birwagtlar döräpdi şeýle isleg, ýöne işlerimiň köplügi sebäpli ýatdan çykyşdy üstünde işlemek, görerin diýseňiz http://turkmenhome.wordpress.com 🙂 ýokarda >Arzuwyň hasyl bolsun< bölüm bar, şol gyzykly bolup biler
$u wagta çenli açylan zatlary ulanyp bilsegem bolýa. Bu aýdylan zatlar bilen ugrum gabat gelenok. Haladym gowja zatlar ýazypsyñ.
doly goldaýan. men entek okuwçy bolsamam höwesim bolany üçin käbir proýektler edýän.
enedilim proýektini haladym.
arassa edilen iş.
hasam onuň kitaphanasyny (magtymguly.pdf) haladym
özüm bilýän ony şo hala getirýänçäň näçe zähmet çekmelidigini.
elektron kitaplar barada menem pikir edipdim....
häzirem kellämde orun tutup dur.
eger 70 sany gazet bolup onda okaljak zatlar tapylmasa, gazet sanyny 700 çykarsaňam peýda ýok (ösüş ýok).
pikirimçe okalaýjak hekaýalary, makalalary, peýdaly ýazgylary, terjimeleri, eserleri.... döredijilik-howesjeň toparlar elektron-kitaplara geçirmeli we internetde goýmaly.
pikirdeşler bilen iki-ikä görüşip bilerdim.
etmäge iş kän.
goý kellelerimize ylham gelsin!
ylhamlar hasyl bolsun!
peýdaly işler etmek üçin bilimize kuwwat diläliň!
salam. Gyzykly movzuk.
Edyan islerinizde ustunluk dilayin.
Hakykatdan hem tm ozgermesi gerek. Aranyzda talyplar kop.
Yone okamayanlar hem kop. Okamak talyp bolmak umydy umyd bolup galanlar hem kop.
Gelejek yashlarin umutlary hasil bolar yaly .uly umytlar size baglayas
Gynansakda shu wagt kop programmist Social network achmak aladasy bilen bashagay.Elbetde ol hem gowy zatdyr welin edyan azabynyzy bahsga ugura gonukdirseniz,yagny bizin jemgyyetimize,yashlarymyza peyda getirjek information portal doretseniz size minnetdarlyk bildirjek adam kan tapylar.Mysal hokmunde bolsa yene-de yokarda Agzalan Enedili.com alyp bileris..T
Ilim,ilim bilmektir
ilim kendin bilmektir
sen kendini bilmezsen
Ya nice okumaktir...Yunus Emre
Biz ne pul ucin, ne-de ejemizin zory bilen ne basga zat ucin okamaly, biz ozumizi, yolumizi, kamil yasamany ozumuzi sylamany, sylatmany bilmek ucin okamaly, risky beren Alla, diplom dal
Hormatly Master men hem sizin diyeninize gosulyan we goldayan, suwjuk bos zatlardan peyda yok, ha gowy prikollar bolup biler dine ylym bilim diyip yatmaly dal.....
Master, sagja bol, sanga hormatym uly.
Örän oñat bellikler. Elektron kitaplary döretmäge, programmalary, oýunlary türkmen diline gejirmäge go$andymy go$up bilerin. $u wagta çenli birnäçe programmalary we oýunlary, $ol bir sanda Windows XP operasiýon sistemasyny türkmen diline terjime edip, doly i$jeñligi gazandym. Ýöne gara$an netijelerimi bermänsoñ hem-de hiç kimden diýen ýaly goldaw bolmansoñ elim i$den sowady. P.s. Sawyer agza hem kitaplary elektron görnü$e geçirip ýördi.
Men-a dogrymy aytsam bir zatjyklar eden bolyan, yone bu yere-de dynch almak uchin giryan, barde-de bir zat edin diyip dursanyz, men nirde dynch alayin? Yone gowy maslahat, bir zatlar edin how 😉
Salam, türkmen metbugaty hem ýuwaş-ýuwaş özgerýär. Kätelerine gowja makalalar çap edilýär. Ýöne türkmen metbugatynyň saýtlary ýok. Şol sebäpli, www.turkmenmakalalar.com ýaly bir saýt döredilip bilinse we Türkmenistanda çap edilýän türkmençe gowja makalalary şol ýere izigiderli ýerleşdirilip durulsa, hemmämiz üçin peýdaly bolup bilerdi. Diňe bir Türkmenistan, Watan, Nesil, Zaman, Adalat ýaly gazetler däl, Nebitgaz žurnaly, Ylym, Dünýä edebiýaty ýaly žurnallar hem bar. Şolarda çap edilen makalalaryň (çeşmesini görkezmek şerti bilen-awtorlyk hukuk) iň gowylaryny saýlap çap edilse, hem arhiw bolar, hem de ylmy gözleg edýänler üçin peýdaly bolar. Şeýle hem daşary ýurtda ýaşaýanlar bar, okaýanlar bar, ýa-da başga sebäpler bilen bu gazet-žurnallary okap bilmeýänler/okamaýanlar bar.... olara hem peýdaly bolar. Munyň üçin şol makalalary scan edip worde öwürmek ýeterli bolsa gerek....
MILLI HÄSIÝETLI, GLOBAL UKYPLY ÝAŞ NESIL
-GELEJEGIMIZIŇ KEPILNAMASYDYR
Habar alyş we syýahatçylyk ulgamynyň ägirt uly derejede ösmegi netijesinde, Ýer ýüzi göýä ullakan bir küren oba öwrüldi. Indi ýer ýüzüniň haýsydyr bir künjeginde bolan wakadan bada-bat habardar bolmak mümkin. Dünýäniň islendik künjegine gitmek üçin bary-ýogy birnäçe sagat ýeterlik. Çet ýurtlara hat, habar ibermek üçin bolsa diňe birnäçe sekunt gerek. Şeýle bolansoň milletler we halklar biri-biriniň täsirine düşýär, milletara hyzmatdaşlyk ösýär, şonuň netijesinde biriniň beýlekisine bolan baglanyşygy, mätäçligi artýar. Öz milliligini saklap, şol bir wagtda döwrüň talabyna laýyk hereket eden milletler durmuşda öz orunlaryna eýe bolýarlar. Döwrebap hereket etmek üçin öte alňasaýan, öz aslyny, milliligini gözden salýan milletler bolsa, köp zatlary elden berýärler. Şonuň üçin başgasy bolmak däl, özüň bolmak şu döwrüň iň esasy meseleleriniň biri bolup öňe çykýar. Bu ýagdaý döwletler, milletler üçin bolşy ýaly, şol milletiň her bir agzasy üçin, ylaýtada milletiň gelejeginiň kepilnamasy bolup durýan ýaşlar üçin şeýledir. Şu nukdaýnazardan milletler, öz gelejegi bolan ýaşlaryňmilli häsiýetli, global ukyply we başarnykly bolup ýetişmegi üçin gerekli ähli tagallalary görmelidir.
TäzeGalkynyşlar we Beýik özgertmeler eýýäminde türkmen iliniň – merdana halkymyzyň gelejegi bolup durýan ýaş nesliň döwrebap ýetişmegi üçin Hormatly Prezidentimiz Gurbanguly Berdimuhamedowyň ýolbaşçylygynda ýurdumyzda toplumlaýyn işleriň alnyp barylmagy guwandyryjydyr. Şu günki günde ýüzlerçe türkmen ýigitdir gyzlarymyz diňe bir ýurdumyzyň ýokary okuw mekdeplerinde däl, eýsem dünýäniň abraýly ýokary okuw jaýlarynda bilim alýarlar. Ýurdumyzda aspiranturalaryň we doktoranturalyryň açylmagy bolsa, bilime aşyk türkmen ýaşlarynyň başyny göge ýetirdi.
Ýaşlaryňöz milliligini ýitirmän, döwrüň talabyna laýyk ýetişmegi wajypdyr. Şol bir wagtda döwrüň talabyna laýyk ýetişmek ýaşlar üçin uly jogapkärçilikdir. Jogapkärçiligini ýüregi bilen duýýan her bir ýaş ýigitdir gyzyň ýaşlyk döwrüni şuňa görä gurnamagy hökmanydyr. Ýaşlarýurtda we dünýäde bolup geçýän ykdysady, syýasy, durmuş ulgamyndaky ähliözgerşiklerden habarly bolmaly, şondan özümüzçe netije çykarmany bilmäni başarmalydyr. Şeýle hem, ýaşlar azyndan 1-2 daşary ýurt dil bilmeli, internet ýaly habarlaşmagyň we aragatnaşygyň iň soňky gazananlarynyndan doly baş çykaryp bilmelidir. Olar, internetiň diňe bir söhbet etmek ýa-da kino gözlemegiň- oýun oýnamagyň guraly däldigini, eýsem, talabalaýyk ulanmasyny bilenler üçin internetiň özüňi döwrebap ýetişdirmek üçin ylym we tejribe hazynasy bolup durýandygyna doly düşünmelidir we şondan netijeli peýdalanmasyny bilmelidir.
Ýaşlaryň milli häsiýetli, global ukyply bolup ýetişmesi üçin ilki bilen özüni, öz aslyny tanamasy wajypdyr. Şol nukdaýnazardan özüňi tanamak meselesini birneme açyp görkezmek ýerliklidir. Başarnykly, tanymal şahyslar mydama beýlekilerden tapawutly bolýar. Başgaça aýdanymyzda, başarnykly we tanymal bolmak üçin tapawutly bolmak wajypdyr. Aslynda her bir adam biri-birinden tapawutly ýaradylypdyr, hatda ekiz çagalar hem biri-birinden tapawutlydyr. Her kim özi bolup bilse, özüne bagyş edilen aýratynlyklary özleşdirip, ösdürip bilse, tapawutlanmagy-da başarýar. Tapawutly boljak bolup, başgalara öýkünmek, onuň geýnişi ýaly geýinmek, gepleýşi ýaly geplemek... derwaýys däldir. Bu ýerde iň esasy zat, durmuşda öz ýoluň, öz nusgaň bolmagydyr. Özüň bolmak hemişe başgalardan tapawutly bolmaga synaşmagam, başgalardan tapawutly bolaýyn diýip özüňi, milliligiňi inkär etmegem däldir. Özüň bolmak, öz erkiň eýesi bolmakdyr. Öz erki bolmadyk adam göwreden başga zat däldir, diňe sandan ybaratdyr. Erksiz adamyň hereketlerinde deňagramsyzlyk, pikirlerinde ýol ýitirmeklik bardyr. Aslynda adamda bar bolan erk başga hiç bir janly-jandarda bolmadyk aýratynlykdyr. Başgaça aýdanymyzda, adamy beýleki jandarlardan tapawutlandyrýan aýratynlyk megerem erkdir. Şu ýerde erkiň diňe adamogluna peýdaly zatlar üçin ulanylanda hakyky erk bolýandygyny bellemelidiris. Özüň bolmak, öz erkiň eýesi bolmak üçin ilki özüňi oňat tanamaly, başarnygyňy, ukyplaryňy we kemçiligiňi jikme-jik seljermelidir. Özüň bolmak özüňe bolan ynamy ösdürmek, gelejege umyt bilen bakmak, şeýle hem tejribeler ýumagyna aralaşmak we taryhy oňat öwrenip, ondan sapak almagy başarmakdyr. Özüň bolmak pikirlenmekdir, pikiriňi iş tejribesine geçirmekdir, iş tejribesini geçirýärkäň täze pikirler meýdana getirmekdir. Gysgaça aýdanymyzda, özüň bolmak akyl bilen kalp arasyndaky sazlaşygy döretmekdir.
Munuň üçin ilkinji nobatda, maksatmyrat, arzuw gereklidir. Eýsem özüň bolmak, öz maksat-myradyňa eýe bolmak dälmidir? Hiç bir arzuwy bolmadyk ýa-da diňe öz şahsy bähbitleriniň yzyndan ylgaýanlaryň adamoglyna zyýany bolmasa, peýdasy ýokdur. Arzuwsyz adam başgasynyň arzuwyna çolaşýar. Arzuwsyz, maksat-myratsyz adam ýeliň öwüsýän ugruna görä öwsüp durýar. “Çäksiz güýç” atly psihologiýa kitabynyň ýazary Antoni Robbins: “Şahslar ýalta, işýakmaz däldir, diňe özözüni herekete geçirip biler ýaly güýçli arzuwlary ýokdur” diýýär. Nirä gitjegini bilmeýän gämä, hiç bir ýeliň peýda bermeýşi ýaly, arzuwsyz şahsyň şol jemgyýetde oňyn ýeri bolmasa gerek. Şol sebäpli arzuwy watana, halkyňa, bütin adamzada we maşgalasyna hyzmat etmek başlangyjyndan ugur alýan ýaşlaryň sanynyň köp bolmagy her bir ýurt üçin örän wajypdyr. Eýsem arzuwyňa ýetmek üçin nämeler etmelidir?
Durmuş hakykatlaryny hem nazarda tutup bellenen arzuw, maksat myrat bar bolsa, şeýle hem bu arzuwy durmuşa geçirip bilinjekdigi barada hakykatdan hem ynam dörese, arzuw eýesiniň işlemek, gözlemek islegi has hem artýar. Arzuwa ýetmek üçin ýol kartasynyň çykarylmagy, edilmeli işleriň meýilnamasynyň taýýarlanylmagy bolsa, maksada ýetmekde uly rol oýnaýar. Maksada okgunlylyk, päk niýet, irginsiz zähmet bilen hereket edilmegi netijesinde arzuwlaryň öňündäki päsgelçilikler birin-birin aýrylar. Hakyky arzuwment arzuwyna ýetmek üçin wagtyny tygşytly we peýdaly ulanýar. Şeýlelikde, arzuwment uly eserler emele getirip, üstünligiň ýokarky basgançaklaryna çykmak mümkinçiligine eýe bolar. Üstünlik gazanmak bolsa, özüne ynamy artdyrýar, täze üstünlikleriň ýoluny açýar. Watanyňa, milletiňe hyzmat etmek bagtyna miýesser bolmagyň berýän kalp höziri bolsa, megerem arzuw etmegiň netijesinde berlen iň oňat sowgat bolsa gerek.
Görşümiz ýaly, arzuwa eýe bolmak bilen özüň bolmak, biri-birine baglydyr. Bu ýerdäki arzuw watanyňa, milletiňe, adamzada hyzmat etmek arzuwydyr. Şu ýerde bir zady bellemelidiris, ol hem özüne peýdasy degmedigiň başga birine nepi degmezligidir. Özüni döwrüň talabyna laýyk ýetişdirmek, başarnyklaryny we ukyplaryny halkyň bähbidine ulanmak, ýagny, beýik arzuwly ýaşlara mümkinçilik döretmek bolsa, ýurduň gelejeginiň möhüm faktorydyr.
Ýaşlarözleriniiçgin tanasa,öz aslyna göz ýetirse, başarnyklaryny, kemçiliklerini düýpli öwrenip, mydama özüni herekete geçirip biljek arzuwa eýe bolsa, şol arzuwa ýetmek üçin, durmuş hakykatlary gözöňünde tutulyp taýarlanan meýilnama laýyklykda mydama hereketde - gözlegde bolar, okar, öwrener, döreder. Sebäbi, şu ýagdaýdaýaşlaröz-özünden “hereketlendirjili” bolanlygyny üçin olarda mydamaözlerini herekete geçirip biljek duýgy –düşünje, güýç-gaýratbardyr. Bu ýerde, degişli guramalara düşýän esasy wezipe, ýaşlardaky şeýle emele gelen duýgy-düşünjäni, güýç-gaýraty dogry ýere –anyk ýola urukdyrmakdyr. Şeýle ýaşlardan emele gelýän ýurtlaryň gelejegi bolsa diňe üstünlükdir.
Ýurdumyzda döwrüňkämil tilsimatyndan oňat baş çykarmagy başarýan we daşary ýurt dillerini bilýän, öz ugrunda ussatlaşan, beýleki ugurlardan hem habarly, mydama ösüşiň gözlegindäki, kyn ýagdaýda hem umydyny ýitirmeýän, gelejege ynamly, milli we ruhy gymmatlyklaryna pugta bagly, ahlak taýdan arassa, ýaşyl baýdagyny jandan eziz görýän türkmen ýaşlarynyň ýetişýänligi bolsa ýurdumyzyň mundan beýläkde has hem gülläp ösjekdigininiň kepillanmasydyr.
Master! Gaty ýerlikli belläpsiñ shu temañy! Esasan hem gerekli saýtlary döretmek barada! Nämüçin talyplar shu ugurda kän hereket edenoklar, ine mysal:
google saýtyny döredenler talyplar, facebok, youtube saýtlaryny döredenem talyplar. Shu dünýä ýüzünde iri saýtlaryny döredenleñ 80%-i talyplardan çykdy! Bizde-de sheýle bolmaly, praktikany ilki talyplykdan bashlamaly, talyplañ arasynda bäsdeshlik bolmaly! Bir fakultetiñ talyplary üýshüp bis saýtyñ üstünde ishlemeli, ony ösdürmeli. Elbetde bu gelejekde özlerine durmush ýolunyñ açaryny açar. Bu zatlary talyplar bir kollektiw bolsa elbetde gaty showly bolar! Shol saýty okaýan wagtlary informasiýadan, maglumatdan ýetirip dursalar, elbetde buñ yzy köpeler gider!
Master! Gaty ýerlikli belläpsiñ shu temañy! Esasan hem gerekli saýtlary döretmek barada! Nämüçin talyplar shu ugurda kän hereket edenoklar, ine mysal:
google saýtyny döredenler talyplar, facebok, youtube saýtlaryny döredenem talyplar. Shu dünýä ýüzünde iri saýtlaryny döredenleñ 80%-i talyplardan çykdy! Bizde-de sheýle bolmaly, praktikany ilki talyplykdan bashlamaly, talyplañ arasynda bäsdeshlik bolmaly! Bir fakultetiñ talyplary üýshüp bis saýtyñ üstünde ishlemeli, ony ösdürmeli. Elbetde bu gelejekde özlerine durmush ýolunyñ açaryny açar. Bu zatlary talyplar bir kollektiw bolsa elbetde gaty showly bolar! Shol saýty okaýan wagtlary informasiýadan, maglumatdan ýetirip dursalar, elbetde buñ yzy köpeler gider!
dost seng ucnin men baty begenyan, Allahym sen yaly adamlar bn yazyshmagyma sebap edeni uchin shukur edip yzyndan yetip bilemok