Düýş (Dowamy)

Niredendir hälki tanyş ses ýene gulagyma geldi:
-Geçdi hemmesi, geçdi, diýip gaýtalandy. “Gutardy”
Biraz salymdan soñ jynaza namazym okalyp, dostlarym tabydymy ýene eginlerinde göterip barýardylar.
Dostlarym bilen oturyp, çaý içip, oýun oýnan çaýhanamyzyñ deñinden geçip barýardyk. Häzir ol ýerdäkilerin gülküli sesleri gelýärdi, “Bular meniñ dünýäden gaýdandygymy bilmeýän bolmaga çemeli” diýip pikir edýärdim. Tabydym indi ýuwaşjadan çalaja egik göterilýärdi. Bu bolsa obamyzyñ çetindäki depedäki gonamçylyga barýandygymyzyñ alamatydy. Güýçli ýagyan ýagyş kepenimiñ käbir ýerini ölläpdi. Men bolsa ýene-de töweregimdäki gürrüñleri eşitjek bolýardym. Dostlarymyñ käbiri söwdanyñ ugrunyñ ýoklugyndan, käbiri bolsa ýygyndy komandanyñ soñky duşuşygy barada pikir alyşýardylar. Tabydymy göterýänlerden başga biri bolsa ýanyndakynyñ gulagyna çalaja ses bilen:
-“Neressäniñ birhiljek adamdygy, ölen gününden belli bolýar” diýýärdi. Seredä muña üsti-başymyz öl-myjjyk boldy.” Eşiden zatlarym ýalñyş bolmalydy. Bolmasa men dostlarym üçin gijämi gündüz etmänmidim eýsem? Biraz ýöränimizden soñra durup, tabydymy eginlerinden alyp yere goýdular. Tabydyñ agzy ýene açyldy we jansyz bedenime degýän eller meni alyp, düybüne suw birigen çukura goýdular. Ỳatan ýerimden töweregime göz aýladym. Eý Allajan! Bu ýer gabyr dälmi? Şu çaka çenli bu ýere girjegim hakda näme üçin pikir etmedimkäm? Sessiz gygyryşlarymy hiç kime eşitdirip bilmeýärdim. Çukury gömmek üçin dostlarymyñ çalt-çaltdan üsdüme gum atýandyklaryny duýup bilýärdim. Ỳene garañky ýerdedim, elimden dileg etmekden başga gelýän zat ýokdy.
-Eý Rabbim, diýýärdim. Ỳene pursat berseñ, seniñ islän bendäñ bolaýyn. Gabrymy jennet bakjalaryndan birine meñzedeýin. Ỳene şol bir ses öñküsinden has haýbatlyrak:
-Geçdi indi, gutardy, diýip gaýtalandy. “Hemme zat gutardy indi.” Mazarymyñ tagtasynyñ üsdüne atylýan topraklar gök gübürdisine meñzäp meni has hem gorkuzýardy.
   Barja güýjüm bilen ýerimden turyp gözlerimi açdym. Bir görsem öz otagymda, yumşajyk düşekjämiñ üsdünde ýatyrdym. Görenlerimiñ hemmesi gorkunç düýş eken, meni gara basan bolmaly.Gapdalymyzdaky doktor goñşym meni özüme getirjek bolup:
Geçdi indi, geçdi, diýip gygyryp duran eken. “Geçdi, bir oñat hiç zadyñ galmady.” Ỳatan ýerimden çalaja dikeldim. Gorkymdan ýaña gara der bolup, hamana ýigrimi kilo birden horlanan ýalydym. Daşarda ýagyş häzir bar güýji bilen ýagýardy. Ỳyldyrym çakyp, gök gübürdäp öyi sandyratýardy. Daşyma üýşüp oturan adamlaryñ bilesigelijilik bilen maña seredip otyrşy, meni has hem gaýga batyrýardy. Men bolsa hiç zat bildirmejek bolup olara garap içimden:

-Ey Allahym, saña şükür edýän. Gowy adam bolup, ýalñyşlarymy düzetmek üçin birje pursat bermedik bolsañ?  Soñy.(Türk dilinden Türkmen diline terjime edilen)