Düýş

Çagalygymdan bäri darajyk ýerlerde oturmaga gorkardym. Şeýle ýerlere baraýamda derrew gaçmak bilen bolýardym. Wagtyñ geçmegi bilen bunyñ mende bir hassalyk halyna gelendigine göz yetirdim, yöne welin bu hassalykdan gutulyp bilmedim. İndi welin ol darajyk ýerlere islesem islemesem girmelidim. Meni akja bir mata dolap, agaçdan ýasalan bir tabydyñ içine goýdular. Gözlerim ýumulgy hem bolsa töweregimdäki adamlaryñ seslerini eşidip we görüp bilýärdim.
-Neresse yaşajyk wagty gitdi diýişyärdiler. Edäýjek birgiden işi bardy. Hakykatdan hem birnäçe işim gutarman galypdy. Mysal üçin ogluma heniz gowja bir işýeri açmandym. Täze alan maşynymyñ, reñkli telewizoryñ ujundan galan pullaryny doly geçirip gutarmandym. Özüme bir şereket açyp, dostlarymy çagyryp oturmak häzir welin meniñ üçin gury bir hyýal bolup galdy. Mundan başga hem gyşyñ golaýlanyna garamazdan ýakjak odundyr-kömrimi doly ýygnamandym. Ỳagyş, gar ýaganda üçekden suw geçmez ýaly üçegiñ suwagyna başlamandym. Doly gutarmadyk işlerimi ýeke- ýeke ýatlap durkam, gulagyma gelen sese diñşirgenenimi duýman galypdyryn. Hamana mikrofondan çykýan ýaly bu ses beýnimiñ iñ çetki uçlarynda hem ýañlanýardy we:

-“Geçdi hemmesi, bary gutardy” diýýärdi.
İçimden “Wah geçmedik bolsa bolmaýarmy” diyyärdim. Heläkçilik nädip boldy ony hem bilemok, bolmasa ulagy gowy hem sürýärdim ahyry. Bolup geçen wakany ýadyma saljak bolup durkam, dostlarymyn ýanyma üýşüp tabydymyñ agzyny ýapandyklaryny gördüm. Olary duruzmak üçin sesimiñ ýetdiginden gygyryp, bedenimi gymyldatmak isledim. Häzir welin ne sesim çykýar ne-de bedenim gymyldaýardy. Bir görsem tabydymyñ içi gap-garañky, men bolsa tabydyñ tagtalarynyñ arasyndan gelýän ýagta seredýärdim. Gorky içinde:
-Eý Allajan, diýdim. İndi men näme etmeli? Gorkudan ýaña hiç zady pikir edip bilemokdym. Häzir welin meni içinde ýatan tabydymy dostlarym eginlerine alyp yöräp barýardylar. Daşarda ýagýan ýagşyñ sesi tabydymyñ
jygyldysy bilen utgaşyp gidýärdi. Jynaza namazy üçin mesjide barýan bolmalydyk. Mesjit diýemde bir zat ýadyma düşdi. Öýmüze ýakynjak we günde bäş gezek çagyrylsam hem birhili wagt tapyp gidip bilmeýärdim. Ỳöne her wagtky aýdyşym ýaly elli ýaşym dolanda namaza başlap, erbet endiklerimi taşlajakdym.  Dowamy bar!