Gynanyaň

Käte oýa batyaň durmuşyň hakda,
Ýeňişleriň hakda, ýeňlişleň hakda,
Ýatlamak nähili agyram bolsa
Düzedip bolmajak ýalňyşlaň hakda. 

Gynanmana sansyz sebäp bolsa-da,
Begenýäň dostlaryň barlygy üçin.
Ýöne käte ýeke galaýan wagtyň,
Gynanýaň hataly ýaşlygyň üçin.
 
Gynanýaň artykmaç gepläniň üçin,
Märekeli ýerde, ýa başga ýerde.
Gynanýaň howlukmaç kararyň üçin,
Garaşmaly ýerde, ýa başga ýerde.
 
Gynanýaň duşmedik azabyň üçin,
Okabam gowy ýer almanyň üçin,
Ýa ugrunda arman-ýadaman işlap
Işiňde in gowy bolmanyň üçin.
 
Gynanýaň söýgiňde ýenleniň üçin,
Mert bolup ýaryny söýmaniň üçin,
Ýaryň başga birine söz berenini
Eşitmezden burun, ölmäniň üçin.
 
Gynanýaň, gynanýaň yene gynanýaň,
Herbir şowsuzlyga erksiz gynanýaň.
Şonda-da dikelip ýöräniň üçin
Dostlaň arasynda çäksiz sylanýaň!
 
Ajysyz ýaşaýyş bolsady eger,
Hemmeler bagtly bolardy meger,
Ýöne baky dunýä göz ýumýan wagtyň
Bir şatlanyp bilseň barsyna deger!

Gowja goşgy eken, siziň paýlaşmak isledim. Durmuş aňsatdyr diýýäler welin, hijem görnüşi ýaly aňsat däldir. Biz esasy dünýäde näme niýete okgunly ýaşayarys, şoňa karar bermeli. Herimiz birgün öleris, ýöne şol pursat gelmezden ozal biz etmek isleýänlerimizi edip ýetişeris mi belli däl. Elbetde kynçylyklar bolýandyr, esasy zat
şol kynçylyk gelen wagty ynamyna mäkäm bolup bilmekdir. Nämä ynanýan bolsaň, kalbyň näme diýýän bolsa saňa kepillik berýän şol ses hiçhaçan ýalan gürlemez...Çyndanam, kyn pursatlarda ýykylyp dyza çöküp galmak meseläni çözenok, ruhuňyzy belent tutuň. Hemme zadyň wagty bilen amala aşjagyna ynamyňyzy ýitirmäň. Bu dünýäniň panydygyny unutmaň, çünki ebedi dünýe garaşyp dur. Durmuşyňyzda üstinlik dileýän! SuhraB.