Dodagym onuň haýsydyr bir ýerine degende berýän keýpi hem başgaçady..

Men onuň bilen tanyşan wagtlam 15 ýaşly, jahyllyk döwrüne ýaňy gadam basan wagtlarymdy. 15 ýaşly oglanyň nämä isleg bildirýänini oglanlar gaty gowy bilýändirläý. Aýratynam oň bilen tanyşanymdan soň oňa bolan isleg-arzuwym has hem artdy. Ilki-ilkiler seýrek duşuşsagam soňabaka duşuşuklarymyzyň çeni-çaky bolmady. Birinji duşuşuk onçakly şowly geçmedi, ýöne bu soňky duşuşyklaryň hem şowly geçmejegini görkezenokdy ahyry..

Bir gün saman kümäň ýanyndakak kakam bizi tutdy. Kakamyň gözi maňa däl-de oňa düşdi. Sebäbi meň elim oň haýsydyr bir ýerinden tutyp durdy. Kakamyň gözi hem şoňa düşdi. Kakam ikimizede aýylganç seretdi-de ötä gitdi..

Onsuz bir gün hem oňup bilemokdym, her gün duşuşýadyk. Her duşuşykda hem dodaklarymy ondan aýryp bilemokdym. Dodagymyň her gezekki soruşunda meniň dünýäm giňäp gidýän ýalydy. Aslynda weli men oň ruhundan, olam meň ömrümden bır zatlar alyp gaçýady..

Bir gün dostlarymyz bilen biriniň doglan günini gutladyk. Diňe özümizdik. Ol hem meň ýanymdan aýrylanokdy, menem oň ýanyndan. Dost oglanlar uklanlarynda biz balkonda ikiçäkdik. Bu gezek bizi göreýin diýen adam ýokdy. Ýatamyzda bile ýatypdyk. Dodaklarym her gez ol gyzgyn, mele-myssyk zada degende hiç zat pikirem edesiň gelenokdy, diňe berýän keýpi hem gowy zatdy..

Näme üçindir ony taşlamagy ýüregime düwüpdim. Onuň üçin pulam, wagtam köp gidýädi. Öň bir-iki sapar synanyşdym, ýöne oňa ýene dolanyp barmagym boşan öküzleň ota topulşy ýalydy. Ýöne kime söz berýänimi bilemok. Şonda-da söz berýän, bir günä taşlaryn şu alkakmyş çilimi!

Çeşme: Ogurlyk. 🙂

Ogrudan ogurlamak halalmy?

Elbetde(38%, 12 adam)

Juk(61%, 19 adam)